ՍԱԼԱՄ ԿԸ ՍՊԱՍԷ ԻՐ ՇՓՈՒՄՆԵՐՈՒՆ ԱՐԴԻՒՆՔԻՆ

0
94

Նորանշանակ վարչապետ  Թամամ Սալամ   յոյս յայտնեց, որ նոր կառավարութեան կազմութեան  ուղղութեամբ  իր  վերջին  շփումները կ’արդիւնաւորուին:  Սալամ  անուղղակիօրէն  հերքեց չէզոք կառավարութիւն մը գլխաւորելու տարբերակը, երբ յայտնեց, թէ  իր կառավարութիւնը պիտի ընդգրկէ   Լիբանանի քաղաքական  բոլոր   հոսանքները:

Քաղաքական դէտեր երկրին  ապահովական զարգացումներուն լոյսին տակ անարդարանալի կը նկատեն նոր կառավարութեան  ուշացումը, դիտել տալով  որ  սպասումն  ու   համբերութեան պայմանաժամներն ալ պարտին ունենալ  յստակ   ժամկէտ: Դէտերու  կարծիքով,  մինչեւ ամսագլուխ  Լիբանան պիտի ունենայ  չէզոք դէմքերէ  բաղկացած կառավարութիւն մը:

Հրաժարեալ վարչապետ Նեժիպ Միքաթի  վարչապետարանին մէջ ընդունեց  Փոփոխութիւն եւ  Բարեկարգում խորհրդարանական խմբաւորումը ներկայացնող  հրաժարեալ նախարարներ Ժըպրան Պասիլը,  Շեքիպ Քըրթպաուին,  Ֆատի Ապուտը եւ Սելիմ Ճըրէյսաթին:  Անոնք   վարչապետ   Միքաթիի հետ քննարկեցին   Լիբանան մուտք գործող սուրիացի   փախստականներուն փաստաթուղթերը   կանոնաւորելու  եւ օրինական  հիմքերու վրայ դնելու  պարագան:  Միքաթի նաեւ  ընդունեց  Գերմանիոյ արտաքին գործոց նախարարութեան  ընդհանուր տնօրէն  Պորիս  Ռոճը, Լիբանանի մօտ  Գերմանիոյ դեսպանին ընկերակցութեամբ:

LEAVE A REPLY

Please enter your comment!
Please enter your name here