ԹՈՒՐՔԻՈՅ ԴԵՍՊԱՆԸ ՄԻՔԱԹԻԻ ԵՒ ՇԱՐՊԷԼԻ ՀԵՏ ՔՆՆԱՐԿԵՑ ԱՌԵՒԱՆԳԵԱԼ ՕԴԱՉՈՒՆԵՐՈՒՆ ՀԱՐՑԸ

0
97

Հրաժարեալ վարչապետ  Նեժիպ Միքաթի   ընդունեց   Լիբանանի  մօտ  Թուրքիոյ դեսպան  Անան  Օզելտըզը:  Միքաթի դեսպանին յայտնեց, թէ  լիբանանեան կառավարութիւնը անհրաժեշտ   բոլոր  միջոցներով կը հետապնդէ   թուրք օդաչուներուն ազատ արձակումը: Դեսպանը նաեւ այցելեց ներքին գործոց նախարարի պաշտօնակատար  Մարուան Շարպէլին  եւ  առանց որեւէ յայտարարութիւն կատարելու  մեկնեցաւ  նախարարին գրասենեակէն:

Միքաթի   ընդունեց  արտաքին գործոց  նախարարի պաշտօնակատար  Ատնան Մանսուրը, երեսփոխան  Ղազի Եուսէֆը  եւ պետական անվտանգութեան  ընդհանուր տնօրէն, հազարապետ Ժորժ Ղարաան:

 Ներքին գործոց նախարար Մարուան Շարպէլ  հաւաստեց,թէ  Լիբանան անջատաբար կը մօտենայ   առեւանգուած  երկու  օդաչուներուն եւ  Ազէզի մէջ առեւանգուած  լիբանանցիներուն  թղթածրարներուն: Նախարարը  նաեւ  հաստատեց  Անգարա  նախատեսուած իր այցելութեան մասին տեղեկութիւնները, աւելցնելով  թէ նախքան իր  ճամբորդութիւնը,  խորհրդակցական հանդիպում մը պիտի  ունենայ  ընդհանուր անվտանգութեան  ընդհանուր  տնօրէն, հազարապետ Ապպաս  Իպրահիմի հետ:

LEAVE A REPLY

Please enter your comment!
Please enter your name here