ԻՍԼԱՄԱԿԱՆ ԵՂԲԱՅՐԱԿՑՈՒԹԻՒՆԸ ԸՆՏՐԵՑ ՆՈՐ ԱՌԱՋՆՈՐԴ

0
107

 Եգիպտոսի իշխանութիւնները  երկրին տարբեր շրջաններուն մէջ  ձերբակալեցին  Իսլամական Եղբայրակցութեան   56   ղեկավարներ:   Իսլամական  Եղբայրակցութեան խօսնակ  Ահմէտ  Արէֆ յայտարարեց, թէ   հոգեւոր առաջնորդ Մոհամմէտ Պատիյը  ձերբակալութիւնը ոչ մէկ ազդեցութիւն պիտի  ունենայ  իրենց   պահանջատիրութեան վրայ:  Արէֆ    շեշտեց, թէ  զիջում պիտի  չկատարեն իրենց   իրաւունքներէն:Պատիյի  ձերբակալութենէն  ժամեր ետք, իշխանութիւնները ձերբակալեցին Իսլամական Եղբայրակցութեան   ղեկավարներէն՝  Սուպհի  Սալէհը եւ Հասան Մելիքը: Միւս կողմէ, Իսլամական Եղբայրակցութիւնը  Պատիյի  փոխարէն,  հոգեւոր   առաջնորդի պաշտօնին նշանակեց Մահմուտ  Էզաթ  Իպրահիմը:

 Բախումները չդադրեցան երէկ   Գահիրէի եւ  այլ  քաղաքներու  մէջ: Բանակը  սխալմամբ կրակ  բացաւ  «Ալ Ահրամ» օրաթերթի  լրագրող  Թամէլ  Ապտէլ  Ռաուֆի  ինքնաշարժին վրայ: Վերջինս  մահացաւ տեղւոյն վրա, իսկ անոր ընկերակցող այլ լրագրող մը   փոխադրուեցաւ  հիւանդանոց:

Իսրայէլեան պատուիրակութիւն մը Գահիրէի մէջ պաշտպանութեան նախարար Ապտէլ Ֆաթահ Սիսիի հետ  քննարկեց  Սինայի  մէջ պատահող միջադէպերը եւ անվտանգութիւնը վերականգներու  կարելիութիւնները:  Կողմերը որոշեցին   միացեալ  ճիգերով կասեցնել  Սինայի  մէջ  տեղակայուած  ծայրայեղական կազմակերպութիւններուն  քայլերը: Այս առիթով, եգիպտական  իշխանութիւնները  ցնոր  տնօրինութիւն  փակեցին  երկիրը Կազայի միացնող Ռաֆահի անցքը:

Եգիպտոսի եւ  Թուրքիոյ միջեւ  լարուածութիւնը  իւրաքանչիւր  օր կ’արձանագրէ նոր մագլցում:  Եգիպտոս դադրեցուց    հեռատեսիլային  թրքական   հաղորդաշարներու  ցուցադրութիւնը:

Այլ գետնի վրայ, քաղաքական  կարգ մը  շրջանակներ կ’ակնկալեն, որ  նախկին նախագահ Հիւսնի Մուպարաք ազատ արձակուի այսօր:

LEAVE A REPLY

Please enter your comment!
Please enter your name here