ԿԱՌԱՎԱՐՈՒԹԵԱՆ ՏԱՐԱԶԻՆ ՇՈՒՐՋ ՏԵՍԱԿԷՏՆԵՐԸ ՉԵՆ ԲԻՒՐԵՂԱՆԱՐ

0
106

Հանրապետութեան նախագահ Միշէլ Սըլէյման  Պէյթ Էլ Տինի պալատին մէջ  իր  այցելուներուն հետ  քննարկեց երկրին  ապահովական իրավիճակը, ինչպէս նաեւ նոր կառավարութեան  կազմութեան  թղթածրարը:  Սըլէյման ընդունեց արտաքին գործոց նախարարի   պաշտօնակատար Ատնան Մանսուրը, երեսփոխան Նազէմ  Քատրին,  նախկին երեսփոխան  Սամիր Ազարը  եւ այլ անձնաւորութիւններ:

Նորանշանակ  վարչապետ  Թամամ Սալամ  Մըսայթպէի  իր  բնակարանին մէջ ընդունեց Գերմանիոյ արտաքին գործոց նախարարութեան միջինարեւելեան հարցերու  տնօրէն  Պորիս  Ռոկը, Լիբանանի մօտ Գերմանիոյ դեսպանին  ընկերակցութեամբ եւ քննարկեց  շրջանային իրադարձութիւնները:  Սալամ  նաեւ  ընդունեց երեսփոխան Մարուան Համատէն:  

Նոր  կառավարութեան կազմութեան վերաբերեալ,  Ուալիտ Ճոմպլաթ կը պաշտպանէ  ազգային  միասնականութեան կառավարութիւն կազմելու իր տեսակէտը եւ կ’աւելցնէ, թէ Սէուտական Արաբիոյ բացատրած է, թէ անկարելի է ներկայ  հանգրուանին որեւէ ուժ մեկուսացնել քաղաքական  բեմէն:  Զբօսաշրջութեան   հրաժարեալ նախարար Ֆատի Ապուտ  դիտել տուաւ, թէ  նոր կառավարութեան կազմութիւնը  պիտի  ուշանայ, որովհետեւ  Իրանը եւ Սէուտական Արաբիան պիտի  վճռեն անոր ճակատագիրը:

LEAVE A REPLY

Please enter your comment!
Please enter your name here