ՅՈՐԴԱՆԱՆ ԿԸ ԴԱՏԱՊԱՐՏԷ ՍՈՒՐԻՈՅ ՄԷՋ ՀԱՄԱՅՆԱՔՅԻՆ ՀԻՄՔՈՎ ՈՃԻՐՆԵՐԸ

0
94

 Յորդանանի Ապտալլա  Բ.  Թագաւորը դատապարտեց Սուրիոյ  մէջ   համայնքային հիմքի վրայ ոճիրները: Ան  պահանջեց  վերջ դնել արիւնահոսութեան եւ երկխօսութեան  ճանապարհով լուծել տարակարծութիւնները:

 Լրագրողներու հետ  հանդիպման ընթացքին Միացեալ Նահանգներու պետական քարտուղարութեան խօսնակ  Ճէյն Փսաքի  ըսաւ, թէ  յառաջիկայ   օրերուն,  պետական քարտուղարի տեղակալ  Ուենտի  Շերման,   Լա  Հէյի մէջ   Ռուսիոյ ներկայացուցիչներուն հետ պիտի  քնանրկէ   Սուրիոյ իրավիճակը, ինչպէս նաեւ   «Ժընեւ -2» խորհրդաժողովը կազմակերպելու   մանրամասնութիւնները:

Սուրիական բանակի խօսնակ մը  յայտարարեց, թէ  Լաթաքիոյ   շրջակայ  գիւղաքաղաքները ազատագրելէ ետք,  ուշադրութիւնները  այժմ կեդրոնացած են Հալէպի վրայ:  

Իրանի արտաքին  գործոց նախարարութեան ներկայացուցիչ Ապպաս Արաքչի  հերքեց  Սուրիոյ մէջ անցումային կառավարութիւն ստեղծելու մասին տեղեկութիւնները  եւ յայտնեց,  որ ռազմական իրավիճակը կը փոխուի յօգուտ սուրիական կառավարութեան. «իմ անձնական տեսակէտս այն է, որ մենք պէտք է կեդրոնանանք 2014 թուականին կայանալիք նախագահական ընտրութիւններուն վրայ, քանի որ եթէ Սուրիոյ մէջ անցումային կառավարութեան ստեղծումը հնարաւոր ըլլար, ապա ան մինչեւ հիմա ձեւաւորուած պիտի ըլլար». Դիտել տուաւ ան:

LEAVE A REPLY

Please enter your comment!
Please enter your name here