ԱՊԱՀՈՎԱԿԱՆ ԶԱՐԳԱՑՈՒՄՆԵՐԸ ԼՈՒՍԱՆՑՔԷՆ ԴՈՒՐՍ ԿԸ ՊԱՀԵՆ ՄՆԱՑԵԱԼ ԻՐԱԳՈՐԾՈՒՄՆԵՐԸ

0
100

 Ին՞չ կը պատրաստուի  Լիբանանի մէջ..:  Առաջին անգամ ըլլալով երկրին իշխանութեան ներկայացուցիչները, ինչպէս նաեւ բանակի  հրամանատարը  կը զգուշացնեն  ապահովական  բռնկումի մը  սպառնալիքէն: Հանրապետութեան նախագահ Միշէլ Սըլէյմանի ուշադրութեան առանցքը կազմեց երկրին ապահովական իրավիճակը:

 Սըլէյման մնայուն շփումներու մէջ մնալով ապահովական կառոյցներուն  հետ, իրազեկ  դարձաւ գետնի  վրայ  տեղի ունեցող  զարգացումներուն եւ  փոխանցեց  իր ցուցմունքերը:  Սըլէյման, Պաապտայի պալատին մէջ ընդունեց  Լիբանանի մօտ Քուէյթի դեսպանը: Վերջինս, 18-էն 20 Նոյեմբերի միջեւ, Քուէյթի մէջ   կայանալիք արաբ-ափրիկեան խորհրդաժողովին մասնակցութեան  հրաւէր մը փոխանցեց Սըլէյմանին՝ Քուէյթի իշխան շէյխ Սապահ Ալ Ահմէտ Ալ Ժապէրէն:

Նախագահ Սըլէյման ընդունեց երեսփոխան Աթէֆ Մաժտալանին, նախկին  նախարար  Ժան Օպէյտը,  Սուրիոյ  մօտ Լիբանանի դեսպան Միշէլ Խուրին եւ այլ անձնաւորութիւններ:

 Հրաժարեալ վարչապետ Նեժիպ Միքաթի  վարչապետարանին մէջ  գումարեց ապահովական նիստ մը եւ քննարկեց երկրին ապահովական իրավիճակը: Նիստին մասնակցեցան ներքին գործոց նախարարի պաշտօնակատար  Մարուան Շարպէլը, ներքին անվտանգութեան ուժերու ընդհանուր տնօրէնի պաշտօնակատար, գնդապետ Իպրահիմ  Պասպուսը, տեղեկատուական բաժնի պետ, գնդապետ  Իմէտ Օսմանը:

 Նորանշանակ  վարչապետ Թամամ Սալամ   մեկնեցաւ Աթենք:

Խորհրդարանի նախագահ Նեպիհ Պըրրի խիստ  մտահոգիչ գտաւ ապահովական իրավիճակը:  Պըրրի սոյն յայտարարութիւնը կատարեց Այն Էլ Թինէի մէջ,  երեսփոխաններու հետ ունեցած խորհրդացութիւններուն ընթացքին:

LEAVE A REPLY

Please enter your comment!
Please enter your name here