ԴԱՄԱՍԿՈՍ ԿԸ ՀԵՐՔԷ ՔԻՄԻԱԿԱՆ ԶԷՆՔ ՕԳՏԱԳՈՐԾԱԾ ԸԼԼԱԼՈՒ ՎԵՐԱԲԵՐԵԱԼ ԱՄԲԱՍՏԱՆՈՒԹԻՒՆՆԵՐԸ

0
113

Ռուսիոյ արտաքին գործոց նախարար Սերկէյ Լաւրով հեռախօսազրյոց մը ունեցաւ Սէուտական Արաբիոյ  ազգային անվտանգութեան ընդհանուր քարտուղար  իշխան  Պանտար Պըն Սուլթանի հետ եւ քննարկեց Սուրիոյ իրավիճակը:

 Միացեալ Նահանգներու  միացեալ զօրքերու  գլխաւոր  շտապի պետ զօրավար Մարթին Տեմսի   դիտել տուաւ, որ  Սուրիոյ ընդդիմութիւնը իշխանութիւնը ստանձնելու պարագային պիտի չպաշտպանէ  Ուաշինկթընի  շահերը:  Սուրիոյ հարցով ՄԱԿ-ի եւ Արաբական  Լիկայի պատուիրակ Լախտար Իպրահիմի կողմ արտայայտուեցաւ Սուրիոյ  հակամարտութեան կարգաւորման  ուղղուած «Ժընեւ-2» խորհրդաժողովին Իրանի մասնակցութեան: Իրանի արտաքին  գործոց   նախարար Ճաաֆար Զարիֆի հետ   հեռախօսազրոյցի ընթացքին, Իպրահիմի ընդգծեց Սուրիոյ  ճգնաժամը կարգաւորելու  ուղղութեամբ Իրանի հետ խորհրդակցութիւնները շարունակելու անհրաժեշտութիւնը:  Ան՝ «շատ կարեւոր եւ կառուցողական»  բնութագրեց Սուրիոյ եւ այլ տարածաշրջանային  հարցերու վերաբերեալ Իրանի դերակատարութիւնը:

 Արաբական Լիկայի  ընդհանուր քարտուղար  Նեպիլ Արապի    քիմիական զէնքի գործածութեան ՄԱԿ-ի պատուիրակութենէն  պահանջեց անմիջապէս այցելել  այն  վայրը, ոորուն մասին  ընդդիմութիւնը կ’առարկէ թէ իշխանութիւնները  օգտագործած են  քիմիական զէնք: Դամասկոս  պաշտօնապէս հերքեց քիմիական զէնք   օգտագործելու մասին լրատուական կարգ մը աղբիւրներու մեկնաբանութիւնները:  Նշենք, թէ Սուրիա  ժամանած ՄԱԿ-ի  հետաքննիչները կը  շարունակեն  քիմիական զէնքի գործածութեան  վերաբերեալ  իրենց  ուսումնասիրութիւնները:

 Տեղեկատուութեան նախարար  Օմրան Զոըպի   դիտել տուաւ, թէ  Արաբական Ծոցի  քարոզչական  աղբիւրները կը  փորձեն  ճնշում բանեցնել  ՄԱԿ-ի կողմէ հետաքննութիւններ վարող պատուիրակութեան վրայ:  Բրիտանիոյ արտաքին գործոց նախարար Ուիլիյըմ  Հէյկ սուրիական  իշխանութիւններէն պահանջեց, որ  ՄԱԿ-ի պատուիրակութիւնը այցելէ քիմիական զէնքով  յարձակում կատարուած վայրերը: Մոսկուայի մօտ  Սուրիոյ դեսպանը նոյնպէս  հերքեց  քիմիական  զէնք օգտագործելու մասին տեղեկութիւնները:  «Հիւմըն  Ռայց Ուոչ»  իրաւապաշտպան  միջազգային կազմակերպութիւնը անմիջական  հետաքննութիւն մը սկսաւ  քիմիական  յարձակաման վերաբերեալ:

 Ռազմական գետնի վրայ  Դամասկոսի  շրջակայ   գիւղաքաղաքներու մէջ  ծանր բախումներ տեղի կ’ունենան  բանակին եւ ծայրայեղականներու միջեւ: Ծայրայեղականները Դամասկոսի  մէջ    սպաննեցին  « Մեհր»  լրատուական գործակալութեան լրագրող  Հատի Պակպանին:  Միւս կողմէ,  «Ռիա Նովոսթի»  հաղորդեց, թէ  երկու  ռումբ  պայթած է  նախագահ Պաշշար Ասատի նստավայրին մօտիկ շրջանի մը մէջ:

LEAVE A REPLY

Please enter your comment!
Please enter your name here