ԿԱՐՄԻՐ ԽԱՉԸ ԱՅՑԵԼԵՑ ԱԶԵՐԻՆԵՐՈՒ ՄՕՏ ՀԱՅ ԳԵՐԻԻՆ

0
124

Ատրպէյճանի մէջ Կարմիր Խաչի Միջազգային Խորհուրդի ներկայացուցիչները տեսակցած են հայ գերի Յակոբ Գէորգի Ինջիղուլեանի հետ: Վերջինս նամակ ղրկած է իր ընտանիքին: «Նիուզ»ի թղթակիցին հետ ունեցած զրոյցին ընթացքին այս մասին յայտնած է Յակոբի եղբայրը՝ Արման Ինջիղուլեանը:
«Յակոբը նամակում գրել է, որ ինքը շատ լաւ է, իրեն այնտեղ շատ լաւ են վերաբերւում։ Հագուստ են տուել, բուժզննում է անցել: Իսկ վերջում գրել էր՝ ձեր սիրելի Յակոբ ջան», յայտնած է զինուորին հայրը: Ան նաեւ տեղեկացուցած է, որ առաւօտեան ալ իրենք երկտող ուղարկած էին հարազատներուն կողմէ, ուր գրուած էին, որ կը կարօտնայ ու կը սպասէ իրենց։
Իսկ Կարմիր Խաչի Միջազգային Խորհուրդի Երեւանեան գրասենեակէն հաստատած են հանդիպման փաստը՝ նշելով, որ հանդիպման ընթացքին փոխանակուած են ընտանեկան նորութիւններ։
Մինչ այդ, լրագրողներուն հետ ունեցած հանդիպումին ընթացքին Հայաստանի պաշտպանութեան նախարարութեան մամլոյ քարտուղար Արծրուն Յովհաննիսեան ըսած էր. «Անկախ ատրպէյճանական իշխանութիւնների որոշումից, մենք հաւատարիմ ենք մնալու միջազգային մարդասիրական եւ մարդու իրաւունքների ոլորտում Հայաստանի յանձնառութիւններին եւ գործելու ենք համապատասխան միջազգային կազմակերպութիւնների հետ ստորագրած բոլոր փաստաթղթերով եւ համաձայնութիւններով ստանձնած պարտականութիւնների համաձայն, այդ թւում՝ ադրբեջանցի ռազմագերու հետագայ կարգավիճակի վերաբերեալ նրա ոչ պակաս կարեւոր՝ ազատ, անկաշկանդ եւ գիտակից որոշման»։ Ան կը պատասխանէր լրագրողներուն այն հարցումին, թէ արդեօք հայաստանեան իշխանութիւնները կը սպասե՞ն վերջերս Ատրպէյճանի մէջ գերեվարուած Հայաստանի քաղաքացիին վերաբերեալ Ատրպէյճանի որոշումին՝ ատրպէյճանցի ռազմագերիին հարցին գծով համապատասխան քայլերու ձեռնարկելու համար:

 

LEAVE A REPLY

Please enter your comment!
Please enter your name here