ՊԸՊԼԱՈՒԻ Կ’ԱՆՏԵՍԷ ՈՒԱՇԻՆԿԹԸՆԻ ՏՆՏԵՍԱԿԱՆ ԿՐՃԱՏՈՒՄՆԵՐԸ

0
121

 Բախումները  չեն դադրիր Եգիպտոսի մէջ, մինչ  Ուաշինկթըն եւ Եւրոպական Միութիւնը կը տատամսին իրենց քայլերուն մէջ,  ի տես՝  Եգիպտոսի զարգացումներուն: Եգիպտոսի  վարչապետ  Հազէմ Պըպլաուի  յայտարարեց, թէ  Ուաշինկթընի  կողմէ  օգնութիւններու կասեցումը  նեղ կացութեան  պիտի  չմատնէ Եգիպտոսը:  Պըպլաուի սոյն  յայտարարութիւնը կատարեց ապաւինելով Սէուտական Արաբիոյ, Քուէյթի եւ Արաբական Միացեալ Էմիրութիւններու այն երաշխիքներուն, որ պիտի հատուցեն Ուաշինկթընի կողմէ կատարուելիք կրճատումները:  Վարչապետը  զգուշացուց  Ուաշինկթընը՝  Եգիպտական բանակին  տարեկան  1.3 միլիառ տոլար  օժանդակութիւնը դադարեցնելու  որոշումէն՝   ընդգծելով, որ  Գահիրէ  պատրաստ է   փնտռելու  փոխարինող տարբերակներ: «Ուաշինկթըն  պէտք չէ մոռնայ, որ   մենք կրցանք ապրիլ Ռուսիոյ  օգնութիւններով». ըսաւ ան:  

Իսրայէլի  վարչապետ  Պենիամին Նեթանիահու անհեթեթութիւն նկատեց  Մոհամմէտ Մորսիի տապալման մէջ Իսրայէլի  մասնակցութեան մասին Թուրքիոյ վարչապետ Ռեճէպ Թայիփ Էրտողանի ամբաստանութիւնները:  Իսրայէլի մամլոյ  քարտուղար  Իկալ  Պալմոր ըսաւ, թէ  Էրտողանի  յայտարարութիւնը արժանի չէ որեւէ պատասխանի:

Եգիպտոսի ատեանը դատական հայց  ներկայացուց նախկին փոխնախագահ   Մուհամմէտ Էլ  Պարատէյի դէմ՝ երկրի վստահութիւնը չարաշահելու  մեղադրանքով: Ըստ  Հելուանի համալսարանի իրաւագիտութեան բաժնի  փրոֆեսոր  Սայիտ  Աթիէյքի,  Ալ Պարատէի  միջազգային հանրութեան աննպաստ  տեղեկութիւններ փոխանցած է Եգիպտոսի մասին:  Ալ Պարատէի դէմ դատավարութիւնը տեղի պիտի ունենայ 19 Սեպտեմբերին:  Նշենք, թէ  Ալ Պարատէի, 14 Օգոստոսին  իշխանութենէն հեռացաւ՝ դատապարտելով Իսլամական Եղբայրակցութեան դէմ  գործադրուող  վայրագութիւնները:

Ոստիկանութիւնը  ձերբակալեց   Իսլամական  Եղբայրակցութեան  երկու ազդեցիկ անդամներ: Անոնք  կը  փորձէին  փախուստ տալ երկրէն:

Միւս  կողմէ, Եգիպտոսի  «Վեթօ»   օրաթերթի խմբագիր Իսամ Քամէլ  դատապարտելէ ետք, Թուրքիոյ   մութ անցեալը գրած է.« Եգիպտոսի  տատանումը  չի   կասեցներ  զիս,  որպէսզի  ճանչնամ  Ցեղասպանութիւն  հանդիսացող  զանգուածային սպանութիւնը, որուն ենթարկուեցաւ հայ  ժողովուրդը Օսմանեան կայսրութեան  շրջանին»:

 

LEAVE A REPLY

Please enter your comment!
Please enter your name here