ԼԱՐՈՒԱԾՈՒԹԵԱՆ ԱԼԻՔԸ ՉԻ ՄԵՂՄԱՆԱՐ ԵԳԻՊՏՈՍԻ ՄԷՋ

0
113

Եգիպտոսի  ոստիկանութիւնը եւ  բանակը կը շարունակեն  Իսլամական Եղբայրակցութեան  ղեկավարներ  ձերբակալելու  արշաւը: Մորսիի կողմնակիցները  կը մնան անդրդուելի եւ կը մերժեն   միացեալ կառավարութիւն  կազմելու առաջարկները:  

Եգիպտոսի մէջ  զինեալ բախումներու  ընթացքին աւերակոյտի  վերածուեցաւ երկրին  մեծագոյն թանգարաններէն մէկը՝ Մալավին: Աւելի վաղ,  իսլամիստները  քանդեցին Էլ Մինիայի  նշանաւոր թանգարանը:  ԵՈՒՆԵՍՔՕ իր  մտահոգութիւնը յայտնեց .«Եգիպտացի  ժողովուրդի ինքնութեան եւ պատմութեան հասած  անբուժելի հարուածին»:

Եգիպտոսի  նախկին նախագահ  Հիւսնի  Մուպարաք  պաշտօնապէս փոխադրուեցաւ  տնային կալանքի տակ:  Դատախազութիւնը  որեւէ  առարկութիւն չկատարեց  զինք ազատ արձակելու որոշումին դէմ:

Թուրքիոյ արտաքին  գործոց  նախարար Ահմէտ Տաւուտօղլու յայտնեց, թէ  գաղտնի    բանակցութիւններ կը վարէ Եգիպտոսի  նախկին նախագահ Մոհամմէտ Մորսիի  հետ  հանդիպելու համար:

 

Պաղեստինեան Համասը  եգիպտական իշխանութիւններէն  խնդրեց վերաբանալ Ռաֆահի անցքը: Ապահովական գետնի վրայ, բանակը   ձերբակալեց Ռաֆահի մէջ  քսան վեց ոստիկաններ սպաննող ահաբեկչական կազմակերպութեան անդամներ:

LEAVE A REPLY

Please enter your comment!
Please enter your name here