ՇԱՐՊԷԼ ԳԼԽԱՒՈՐԵՑ ԱՊԱՀՈՎԱԿԱՆ ՆԻՍՏԻ ՄԸ

0
129

Ներքին գործոց նախարարի պաշտօնակատար Մարուան Շարպէլ  դրուատեց  ապահովական կառոյցներու  միջեւ համագործակցութիւնը: Շարպէլ   նշեց, թէ  խուզարկութիւնները եւ  հետաքննութիւնները  բաւական յստակ  պատկերացում  տուած  են  ծրագրուող պայթումներուն  մասին:  Նախարարը միաժամանակ  մաղթեց, որ  բարի աւարտ  ունենան  թուրք օդաչուներուն եւ Ազէզի մէջ առեւանգուած լիբանանցիներուն թղթածրարները:  Ան  դրուատեց   ներքին ապահովութեան ուժերու եւ  Հըզպալլայի  միջեւ  ապահովական  գործակցութիւնը,  շեշտելով որ  խուզարկութիւնները  պիտի շարունակուին ամենօրեայ  դրութեամբ:

Ներքին գործոց նախարար  Մարուան  Շարպէլ գլխաւորեց  ապահովական նիստի մը եւ  քննարկեց  գետնի վրայ  գործադրուուղ  ապահովական  ծրագիրը, ինչպէս նաեւ  ահաբեկչական կազմակերպութիւնները հետապնդելու քայլերը: Նիստէյն ետք, նախարարը յայտնեց, թէ ապահովական   մարմիններու միջեւ համագործակցութիւնը  կը  նպաստէ կանխելու  ականուած ինքնաշարժներու պայթումը:

Շարպէլ ընդունեց Լիբանանի մօտ Բրիտանիոյ  դեսպան  Թոմ Ֆլեչըրը :  Վերջինս դրուատեց   ապահովական կայունութիւնը պահպանելու ներքին գործոց նախարարութեան ճիգերը:

LEAVE A REPLY

Please enter your comment!
Please enter your name here