ԻՍՐԱՅԷԼ ՊԱՏԱՍԽԱՆԵՑ ԼԻԲԱՆԱՆԷՆ ԱՐՁԱԿՈՒԱԾ ՀՐԹԻՌՆԵՐՈՒՆ

0
107

Հինգշաբթի, Օգոստոս 22-ին, հիւսիսային Իսրայէլի ուղղութեամբ առնուազն չորս «Քաթիուշա» տիպի հրթիռներ արձակուեցան  հարաւային Լիբանանէն. անոնցմէ մէկը իսրայէլեան «պողպատեայ գմբէթ» համակարգին կողմէ վար առնուեցաւ, իսկ միւսները պատճառեցին  նիւթական վնասներ: Կարգ մը աղբիւրներու համաձայն՝ հրթիռները արձակուած են Սուր քաղաքի «Ռաշիտիյէ» գաղթակայանին մօտէն:
Իսրայէլեան բանակը Հայֆայի վերեւը օդային տարածքի փակումը յայտարարեց եւ կոչ ըրաւ քաղաքացիներուն, որ ապաստարաններու մօտ մնան:
Աւելի ուշ, իր տեղեկութիւնները բարձրաստիճան պաշտօնատարներէ քաղելով՝ իսրայէլեան պատկերասփիւռի 10-րդ կայանը հաղորդեց, որ նախնական տուեալներով, հրթիռարձակումին պատասխանատուն «Հըզպալլա»ն չէ, այլ՝ « ԱԼ Քայիտա»ի առնչակից խմբաւորումներ:

Իսրայէլեան պատասխանը չուշացաւ:  Ուրբաթ առաւօտեան, իսրայէլեան  օդանաւեր  ռմբակոծեցին Սայտայի  մօտակայ  Նաամէի  շրջանը:

 

LEAVE A REPLY

Please enter your comment!
Please enter your name here