ԼՈՒՐԵՐ ԵՕԹՆԵՐՈՐԴ ԱՐՈՒԵՍՏԻ ԱՇԽԱՐՀԷՆ

0
168

 12 ՏԱՐՈՒԱՆ ԴԱԴԱՐԷ ԵՏՔ ՇԷՐ  ԿԸ ՀՐԱՊԱՐԱԿԷ ՆՈՐ  ՏԵՍԱՀՈԼՈՎԱԿ ՄԸ

Աշխարհահռչակ   երգչուհի,  դերասանուհի Շէր,  իր սիրահարներուն  ներկայացուց «Վումընզ  Վուորլտ»  երգի հիման վրայ  նկարահանուած նոր   հոլովակը: 12 –ամեայ  դադարէ   ետք, երգչուհիին առաջին տեսահոլովակն է այս մէկը:  Շէր կը ներկայանայ տարբեր  գոյներու եւ  ձեւերու կեղծամներով:  Երգչուհիին նոր  ձայնապնակը պիտի  հրապարակուի  14  Հոկտեմբերին: Ծագումով հայ,  68 ամեայ   Շէր կ’ըսէ, թէ   երգը  նուիրած է կանանց:

ԱՇՆԱՆ  ԱՄԵՆԱՇԱՏ  ՍՊԱՍՈՒՈՂ ԺԱՊԱՒԷՆՆԵՐՈՒ ԵՌԵԱԿԸ

 Այս Աշունը ֆիլմարուեստի  սիրահարներուն կը  խոստանայ բաւական  հետաքրքրական նորութիւններ:  Հոլիվուտ՝  մինակը  աւելի քան յիսուն  ժապաւէն  պիտի   ներկայացնէ  մեծ պաստառներու վրայ: Ստորեւ, Աշնան  ամենաշատ  սպասուող   երեք    ժապաւէնները:

Ա-  «Ռիտիք»-  12  Սեպտեմբերին  մեծ  պաստառներու վրայ պիտի  ցուցադրուի  Վին  Տիզէլի   խաղարկութեամբ  «Ռիտիք»ի  նոր արկածախնդրութիւնները:

Բ.- «Ճոպզ» –  Տարուան  ամենագայթակղիչ  ժապաւէններէն մէկը  կը խոստանայ  ըլլալ  «Էփըլ»  ընկերութեան համահիմնադիր Սթիվ Ճոպզի կեանքին նուիրուած  այս  ժապաւէնը:  Քննադատները արդէն իսկ  լուսարձակի տակ առած են   Աշթոն Քուչըրի թոյլ   խաղարկութիւնը, ինչպէս նաեւ ծանօթ բեմադրիչ  Ճոշուա Սթեռնի աշխատանքը:

Գ.- « Թոր – 2» Կենդանի գծանկարներու   հիման վրայ  նկարահանուած համանուն ժապաւէնին   ցուցադրութիւնը պիտի սկսի  30 Հոկտեմբերին:  «Թոր-»ի մէջ   գլխաւոր հերոսը պիտի  պայքարի համաշխարհային կարգուկանոնի  վերահաստատման  համար:  Ժապաւէնին յատուկ հմայք  կու տայ Նաթալի Փորթմանի փայլուն խաղարկութիւնը:

ԵՐԳՉՈՒՀԻ ԱՏԷԼ ՄԵԾ ՊԱՍՏԱՌԻ ՎՐԱՅ

 Բրիտանացի երգչուհի Ատէլ մուտք  գործեց  եօթներորդ արուեստի աշխարհ եւ մտադրած է նկարահանուիլ ժապաւէնի մէջ: Երգչուհիին հրաւիրած են   « Տը Սիքրըթ Սըրվիս»  արկածախնդրութեան մէջ, մարմնաւորելու՝  հակահերոսուհիի  մը  կերպարը:  Ատէլէն  բացի,  ժապաւէնին մէջ  դերեր  պիտի ստանձնեն  Տէյվիտ Պեքհամը,  Էլթըն Ճոնը, Սամուէլ  Էլ  Ճեքսընը եւ  ուրիշներ:  Ժապաւէնին նկարահանումները պիտի սկսին  այս  Աշնան:

ՀԱՅՈՑ  ՑԵՂԱՍՊԱՆՈՒԹԵԱՆ ԶՈՀ  ՄԱՆՈՒԿՆԵՐՈՒ ՅԻՇԱՏԱԿԻՆ  ՑՈՒՑԱՀԱՆԴԷՍ

Հայոց Ցեղասպանութեան թանգարան-հիմնարկը Ապրիլ  2014-ին, առաջին անգամ ըլլալով պիտի կազմակերպէ ժամանակաւոր ցուցահանդէս՝ նուիրուած Հայոց Ցեղաասպանութեան զոհ դարձած երեխաներու ողբերգական ճակատագիրին: Այս մասին «Արմէնփրէս»ին յայտնած են Գիտութիւններու ազգային ակադեմիայի Հայոց Ցեղասպանութեան թանգարան-հիմնարկէն: «Օսմանեան կայսրութիւնը ստեղծուեց եւ վերելք ապրեց միլիոնաւոր երեխաների ողբերգութեան արդիւնքում: Զանգուածային ոչնչացման եւ բռնի թրքացման քաղաքականութիւնը պէտք է դառնար թրքական ազգաստեղծման եւ լայնածաւալ կայսրութեան հիմնադրման անկիւնաքարը: Սուլթանների կողմից կիրառուող դեւշիրմէի՝ մանկահաւաքի արատաւոր սովորոյթի արդիւնքում տարբեր ժողովուրդների՝ հայերի, յոյների, բուլղարների, սերբերի, վրացիների, ասորիների, ռումինների եւ այլոց բազմահազար մանուկներ բռնի անջատուեցին սեփական ընտանիքներից ու էթնիկ միջավայրից՝ թրքացուելու եւ օսմանեան զաւթողական պատերազմների համար որպէս գործիք օգտագործուելու նպատակով:
«Մանկահաւաքը եւ օսմանեան թուրքերի կողմից կիրառուած ստրկութեան երեւոյթը մարդկութեան քաղաքակրթութեան ամենաամօթալի էջերից են», նշուած է Գիտութիւններու ազգային ակադեմիայի Հայոց Ցեղասպանութեան թանգարան-հիմնարկին կողմէ հրապարակուած հաղորդագրութեան մէջ:

ՀԱՅԱՍՏԱՆԻ ԱԶԳԱՅԻՆ   ՊԱՏԿԵՐԱՍՐԱՀԻՆ ՄԷՋ  ՑՈՒՑԱՀԱՆԴԷՍ ՆՈՒԻՐՈՒԱԾ ԱՐԱ ՊԵՔԱՐԵԱՆԻ  ԾՆՆԴԵԱՆ  100-ԱՄԵԱԿԻՆ

Հայսատանի  մշակոյթի նախարարութեան աջակցութեամբ Հայաստանի ազգային պատկերասրահին մէջ երէկ տեղի ունեցաւ յոբելեանական ցուցահանդէս` նուիրուած ՀԽՍՀ ժողովրդական նկարիչ, փրոֆէսոր Արա Վաղինակի Պեքարեանի ծննդեան 100-ամեակին: Ցուցահանդէսի բացման արարողութեան յաջորդեց նկարիչի աշխատանքներու ծաւալուն պատկերագիրքի շնորհանդէսը:

Ցուցահանդէսին  ներկայացուած են վաստակաշատ արուեստագէտի գեղանկարչական եւ գրաֆիքական աշխատանքները, որոնց մէկ մասը ընտանիքի սեփականութիւնն է եւ պիտի ցուցադրուին առաջին անգամ: Պեքարեանի բնանկարներուն առանձնայատուկ տեղ ունի գիւղական կեանքը` պարզ ու ընդհանրացուած, զերծ կենցաղային, ազգագրական շեշտադրումներէ: Դիմանկարներուն մէջ ներկայացուած են մարդկային զանազան ապրումներ` նկարիչի մտերիմներու մարմնաւորմամբ:

Արա Պեքարեան ծնած է 12 Յունիս  1913-ին, Աֆիոն-Քարահիսարի մէջ` Թուրքիա: 1925 թուականին ընտանիքին հետ Ֆրանսայէն ներգաղթած են Խորհրդային Հայաստան: 1932 թուականին աւարտած է Երեւանի գեղարուեստական արդիւնաբերական բաժինը, 1939թ.` Լենինկրատի համառուսական գեղարուեստի ակադեմիան:

Մասնակցած է Հայրենական մեծ պատերազմին: 1945-1986թթ դասաւանդած է Երեւանի պետական գեղարուեստական թատերական բաժանմունքին մէջ, 1947-1950թթ` Երեւանի Փանոս Թերլեմեզեանի անուան գեղարուեստի ուսումնարանին մէջ: Արա Պեքարեանի աշխատանքները ցուցադրուած են արտասահմանեան բազմաթիւ երկիրներու մէջ (Ռուսաստան, Լիբանան, Գանատա, Պելճիգա, Ֆրանսա, Պուլկարիա, Ռումանիա, Հունգարիա, Վիեթնամ, Քորիա, Ղանա, Լեհաստան, Եուկոսլաւիա, Չեխոսլովաքիա, Իրան, Ճափոն, Մոնկոլիա, Սրի Լանքա): Անհատական ցուցահանդէսներ  ունեցած է Երեւանի մէջ` 1947թ., 1963թ., Մոսկուա` 1964թ., Լվովի, Լուպնինի մէջ` 1980թ., Զաղրէպի մէջ:

Արա Պեքարեան մահացաւ    18  Յունիս  1986-ին՝  Երեւան:

ԱՐԾՈՒԱԲԵՐԴ  ՕՓԵՐԱՅԻ ԱՐՑԱԽԵԱՆ  ԱՌԱՋԻՆ ՆԵՐԿԱՅԱՑՈՒՄԸ ՏԵՂԻ ՊԻՏԻ  ՈՒՆԵՆԱՅ  1  ՍԵՊՏԵՄԲԵՐԻՆ

ՀՀ  առաջին տիկին Ռիթա Սարգսեանի բարձր հովանիի ներքոյ  1 Սեպտեմբերին Շուշիի Ռէալական ուսումնարանի բացօթեայ տարածքին մէջ տեղի պիտի ունենայ Անտրէյ Բաբաեւի “Արծուաբերդ” օփերայի արցախեան առաջին ցուցադրութիւնը` նուիրուած Արցախի Անկախութեան օրուան:

“Արծուաբերդ”  գործողութիւնը Անտրէյ Բաբաեւը գրած է 1957 թուականին: Ան առաջին անգամ բեմադրուած է Երեւանի Ալեքսանդր Սպենդիարեանի անուան օփերայի եւ պալէի ազգային ակադեմիական թատրոնէն ներս`  3  Նոյեմբեր 1957-ին:

“Արծուաբերդ”-ը քնարական-տրամատիկական օփերա է, երիտասարդ երաժշտահանի ակնառու նուաճումներէ մէկը: Զարգացնելով հայկական օփերային արուեստի դասական աւանդոյթները` հեղինակը ստեղծած է նուրբ քնարականութեամբ եւ խոր յուզականութեամբ յագեցած ազգային ինքնատիպ երաժշտութիւն: Օփերայի ստեղծման ու բեմադրութեան հարցով շատ կարեւոր դեր ունեցած է հայկական օփերային արուեստի մեծ վարպետ, խմբավար Միքայէլ Թաւրիզեան: Առաջին ներկայացման շմբավարը` երիտասարդ, տաղանդաւոր երաժիշտ  Եուրի Դաւթեան, աշխատելով Թաւրիզեանի անմիջական ղեկավարութեամբ, կարողացած է վերհանել օփերայի գեղարուեստական արժանիքները:

“Արծուաբերդ”-ը` իր ազգային ոգիով ու հարուստ մեղեդայնութեամբ, հայկական օփերային արուեստի զարգացման նշանակալից փուլ դարձած է եւ տարիներ շարունակ մնացած Սպենդիարեանի անուան օփերայի եւ պալէի ակադեմիական թատրոնի խաղացանկի մէջ, բեմադրուած նաեւ Ռուսիոյ տարբեր քաղաքներու մէջ:

 

ՊԷՆ ԱՖԼԷՔ ՊԻՏԻ ԴԱՌՆԱՅ ՆՈՐ  ՊԵԹՄԷՆԸ

 Հոլիվուտեան  դերասան  Պէն Աֆլէք  համաձայնեցաւ բեմադրիչ  Զաք Սնայտըրի նոր  ժապաւէնին մէջ   ստանձնելու  Պեթմէնի դերը:  Ուորնըր Պրատըրզ ընկերութեան նախագահ  Կրէֆ  Սիլվըրման  մեծ  ուրախութեամբ  յայտարարեց  Աֆլէքի որոշումը: « Այդ  դերին համար մեզի պէտք էր արտակարգ դերասան մը  եւ Պէն Աֆլէքը  եղաւ լաւագոյն  թեկնածուն». յայտարարեց Սիլվըրման: Ժապաւէնին նկարահանումները պիտի սկսին    2014-ին, իսկ անոր   անդրանիկ ցուցադրութիւնը կը նախատեսուի  2015-ի Ամրան:  Ժապաւէնին մէջ Պեթմէն կը հանդիպի  մէկ այլ  ծանօթ հերոս  Սուփըրմէնի հետ:

ՈՒԻԼ ՍՄԻԹ ԿԸ ՆԿԱՐԱՀՆՈՒԻ ԱՐԺԱՆԹԻՆԻ ՄԷՋ

Ամերիկացի ծանօթ  դերասան  Ուիլ Սմիթ, նոր ժապաւէնի մը  մէջ  նկարահանուելու նպատակով  մեկնած է Արժանթին:  Արկածախնդրական ժապաւէնը կը կոչուի «Ֆոքուս», որուն մէջ Սմիթ   կը մարմնաւորէ  յանցագործի մը դերը:  Ժապաւէնը  կը նախատեսուի, որ  յառաջիկայ  տարուան կէսերուն բարձրանայ  մեծ պաստառի վրայ:

ՏԻ ԳԱՓՐԻՈՅԻ ՄԱՅՐԸ ԿԸ ՄՏԱԾԷ  ԹՈՌՆԵՐՈՒ ՄԱՍԻՆ

 Հանրածանօթ դերասան Լէոնարտօ Տի Գափրիօ  սերտ  կապեր ունի իր մօր՝  Իմերլին Տի Գափրիոյի հետ:  Դերասանը մօր համար կեանքի նոր ընկեր մը գտաւ վերջերս՝ որպէսզի  վերջ դնէ անոր  ձանձրոյթին:  Հանրայայտ կնամոլը տակաւին  չէ ստեղծած իր ընտանեկան բոյնը եւ այս մէկը շատ  կը տխրեցնէ Լէոնարտիոյի մայրը:

Էմերլին կը մաղթէ,որ իր  38-ամեայ զաւակը դադրի  զեխ կեանքէն եւ կազմէ ընտանիք:  Լէոնարտօ կը խուսափի զրուցելու  ամուսնութեան մասին  եւ  ընդհանրապէս  բացասաբար կ’անդրադառնայ այդ մասին խօսակցութիւններուն:

ՃԷՔ  ՆԻՔՈԼՍԸՆ ՊԱՏՐԱՍՏ Է  ՄԱՐՄՆԱՒՈՐԵԼՈՒ ՊԵՐԼԻՒՍՔՈՆԻԻ ԿԵՐՊԱՐԸ

 Հոլիվուտի  բեմադրիչներուն  մօտ  ծագած  է  Իտալիոյ նախկին վարչապետ Սիլվիօ Պերլիւսքոնիի  կեանքին  նուիրուած  ժապաւէն մը պատրաստելու  տրամադրութիւն:   Պերլիւսքոնիի  դերին համար  նկատի առնուած են Տասթին Հոֆմանը,  Ռոպերթ Տէ Նիրօն, Հարվի Քայթէլը եւ Ալ Փաչինօն: Սակայն  վերջին շրջանին,  բեմադրիչներու  մեծամասնութիւնը այն  կարծիքի  յայտնեցին, որ    Իտալիոյ  վարչապետին կերպարըլաւագոյնս ներկայացնոը  պիտի  ըլլար Ճէք Նիքոլսընը:  Ժապաւէնին սենարիոյին   մասին  տեղեկութիւնները կը մնան անորոշ:  Միակ դրական  նորութիւնը այն է, որ Նիքոլսըն  պատրաստակամութիւն յայտնած է   մարմնաւորելու  գայթակղութիւններով  հարուստ  վարչապետին   դերը:

 

 

 

 

LEAVE A REPLY

Please enter your comment!
Please enter your name here