Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԽՈՐՀՐԴԱՐԱՆԻ ՆԱԽԱԳԱՀԻՆ ՆԵՐԿԱՅԱՑՈՒՑԻՉՆԵՐԸ

0
132

 

 

Հինգշաբթի 22 Օգոստոս 2013-ին, Պիքֆայայի Վանքին մէջ Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Լիբանանի Խորհրդարանի Նախագահ` Նապիհ Պըրիի ներկայացուցիչները: Հանդիպումին նրեկայ էր նաեւ, Լիբանանի Քրիստոնեայ-Իսլամ Տիալօկի յանձնախումբի Հայ համայնքի ներկայացուցիչ` Պրն. Ժան Սալմանեան:

Պատուիրակութեան այցելութեան նպատակն էր նախ Վեհափառ Հայրապետը հրաւիրել յառաջիկայ շաբաթ տեղի ունենալիք Մուսա Ալ Սատըրի յիշատկին տեղի ունենալիք հանդիսութեան, եւ երկրորդ, ընդհանուր քննարկում մը կատարելու Լիբանանի մէջ տիրող այժմու կացութեան:

Աւելի քան ժամ մը տեւող հանդիպումի ընթացքին, արծարծուեցան Լիբանանի ներքին կացութեան առնչուած քաղաքական, տնտեսական, ապահոովական եւ միջ-համայնքային հարցեր: Այցելուները Նորին Սրբութեան պարզեցին թէ՛ Խորհրդարանի Նախագահին եւ թէ՛ վերջերս Հոգեւոր Պետերուն հետ իրենց ունեցած հանդիպումներու ընթացքին արծարծուած մտահոգութիւնները եւ մօտեցումները:

Վեհափառ Հայրապետը ողջունելով Խորհրդարանի Նախագահին հաւասարակշռուած մօտեցումները երկիրը յուզող հարցերուն նկատմամբ, նախ յիշեց Մուսա Ալ Սատըրին հետ ունեցած իր հանդիպումը, երբ որպէս երիտասապդ վարդապետ մասնակից կը դառնար Քրիստոնեայ-Իսլամ երկխօսութեան հանդիպումի մը Պրումանայի մէջ: Ապա Նորին Սրբութիւնը յատուկ կարեւորութեամբ ընդգծեց հետեւեալ կէտերը.- 1) Հակառակ երկրին դիմագրաւած լուրջ դժուարութիւններուն ամէն ճիգ պէտք է թափել ապահովութիւնը ամրապնդելու իմաստով: Այս գծով բանակին դերը կենսական է: 2) Հեռու պէտք է մնալ շրջանէն ներս տեղի ունեցող տագնապներէն, որոնք կրնան լուրջ հետեւեանքներ ունենալ Լիբանանէն ներս: 3) Քրիստոնեայ-իսլամ գոյակցութեան ամուր պահպանումը էական է, որպէս հիմքը Լիբանանի: Հետեւաբար, երկխօսութիւնը Լիբանանի համայնքներուն ու քաղաքական կառոյցներուն միջեւ աւելի քան հրամայական է Միջին Արեւելքի այս ճակատագրական հանգրուանին: Այս մարտահրաւէրներուն գծով լիբանանահայութիւնը միշտ կը մնայ յանձնառու, շեշտեց Վեհափառ Հայրապետը

LEAVE A REPLY

Please enter your comment!
Please enter your name here