ՊԱՅԹՈՒՄՆԵՐՈՒ ՇՂԹԱՆ ՀԱՐՈՒԱԾԵԾ ԹՐԻՓՈԼԻՆ – 27 ԶՈՀ, ՀԱՐԻՒՐԱՒՈՐ ՎԻՐԱՒՈՐ

0
119

Քաղաքական  լճացումի, ապահովական  սպառնալիքներու  մթնոլորտին  արդինքն է  երկրին մէջ տարածուող  պայթումներու  շղթան:  Երկու   մեծ պայթումներ ցնցեցին  Թրիփոլին: Պայթումները  պատահեցան Թրիփոլիի, Նահր Ապու Ալի եւ  Պապ Թըպենէ շրջաններուն մէջ :  Նախնական տեղեկութիւններու համաձայն, առաջին պայթումը պատահած է Ալ Թաքուա մզկիթին,երկրորդը ՝ Իսա Պըն Մարիամ մզկիթին առջեւ, այն պահուն երբ հաւատացեալները կը կատարէին իրենց Ուրբաթ օրուան աղօթքը:  Պայթումները  աւերակի վերածեցին մզկիթները եւ անոնց կից  բնակարանները, խանութները: «Ռոյթըրզ» լրատուական գործակալութիւնը հաղորդեց,թէ պայթումին հետեւանքով  մահացած են առնուազն   եօթ անձեր: Սակայն   առողջապահութեան նախարարի պաշտօնակատար լի Հասան  Խալիլ յայտնեց,թէ  զոհերուն թիւը  բարձրացաւ  27-ի իսկ  վիրաւորներուն թիւը անցած է երեք հարիւրը:

 

  Ելեւմտական հարցերու նախարարի պաշտօնակատար Մուհամմէտ Սաֆատի  դատապարտեց  պայթումը եւ յայտնեց, թէ պայթումները կը  միտին  խռովութիւն    հրահրել  սիւններու եւ շիիներու միջեւ:  Նախարարը  ինքնազսպումի կոչ ուղղեց   բոլոր լիբանանցիներուն, դիտել տալով որ  պայթումները  ուղղուած են  համայն Լիբանանի դէմ եւ ոչ՝  համայնքներու:

Լիբանանեան Կարմիր Խաչի  ընդհանուր  քարտուղար  Ժորժ Քեթենի  ցաւ յայտնեց, որ  զոհերուն  թիւը  կ’անցնի քսանը:

Հրաժարեալ վարչապետ Նեժիպ Միքաթիի  գրասենակէն հաղորդեցին, թէ  Միքաթի կը  բացակայէր Թրիփոլիէն:  Միքաթի դատապարտեց  պայթումները եւ ցաւակցութիւն յայտնեց   զոհերու  յիշատակներուն:  Միքաթի    ընդգծեց, թէ  Թրիփոլի շատ աւելի հզօր է ,քան՝  դաւադրութիւնները: Նախարար Ահմէտ  Քարամէ  ցաւ յայտնեց,որ  Լիբանան  բաց  հովիտի վերածուած է ահաբեկչական կազմակերպութիւններու առջեւ: Ան թրիփոլիցիներէն պահանջեց   հաւաքաբար  դիմադրել  խռովութիւններուն:  Քարամէ   լիբանանեան պետութեան եւ կառավարութեան վերագրեց  պայթումներուն պատասխանատուութիւնը: Երեսփոխան Սամիր Ճըսր դատապարտեց պայթումները եւ յայտնեց, թէ կը սպասէ  ապահովական   մարմիններուն  փոխանցելիք տեղեկութիւններուն: Երեսփոխանը ինքնազսպումի կոչ ուղղեց  լիբանանցիներուն եւ յատկապէս՝ Թրիփոլիի բնակիչներուն:  Ճըսր   միաժամանակ  մերժեց  Թրիփոլիի մէջ  ապահովական  միակողմանի միջոցառումներու  ընտրանքը: Երեսփոխանը  նաեւ մերժեց  ոչ առարկայական եւ անհիմն ամբաստանութիւնները:Երեսփոխան  Ահմէտ Ֆաթֆաթ   ըսաւ, թէ  պայթումին  յանցագործները  անոնք են, որոնք ահաբեկչութիւն կը ցանեն  Սուրիոյ մէջ:  Ներքին ապահովութեան ուժերու նախկին ընդհանուր տնօրէն, հազարապետԱշրաֆ Ռիֆի   դիտել տուաւ, որ   բոլոր անոնք որոնք Ճիհատ կը  ծրագրեն, դիմացը ականատես պիտի  ըլլան պատասխան  ճիհատի ականատես պիտի դառան:  Ռիֆի ցաւ յայտնցե, որ  վտանցը  ոչ ոքի պիտի խնայէ:

Խորհրդարանի նախագահ  Նեպիհ Պըրրի խստիւ դատապարտեց  պայթումները եւ յայտնեց, թէ պայթումին  ոճրագործները  հարաւային արուարձաններու  պայթումը իրականացնող ձեռքերն են: Մարոնիներու Պշարա Ռայի գարտինալը դատապարտեց պայթումները եւ  երկխօսութեան սեղան  վերադառնալու կոչ ուղղեց լիբանանցիներուն: Նախկին խարչապետ  Սաատ Հարիրի  դիտել տուաւ, որ  մութ ուժեր կը  փորձեն փոթորիկին  տակ պահել Թրիփոլին: Մարատա  հոսանքի պետ Սըլէյման Ֆրանքիէ  ներքին միասնականութեան  կոչ ուղղեց լիբանանցիներուն:

Ներքին գործոց նախարարի  գործակատար Մարուան Շարպէլ  Պաշտպանութեան նախարարի  պաշտօնակատար Ֆայէզ Ղըսն լիբանանցիները զգուշացուց համայնքային  խռովութիւններ   հրահրելու  հետեւանքներէն:

Նորանշանակ  վարչապետ Թամամ Սալամ  կիսատ լքեց արտերկիր կատարած   շրջագայութիւնը եւ  վերադարձաւ Լիբանան:  Սալամ  ըսաւ, թէ Թրիփոլիի պայթումները ապացոյց են, որ քաղաքական  եւ ապահովական ընդհանուր զօրակոչի կը կարօտի Լիբանանը:

LEAVE A REPLY

Please enter your comment!
Please enter your name here