ԼԻԲԱՆԱՆԵԱՆ ԿԱՐՃ ԼՈՒՐԵՐ

0
98

 

-Ապահովական  մարմիններ յայտնեցին , թէ  Սալամ  մզկիթին  առջեւ պայթած  «Ֆորտ»  ինքնաշարժը  կը  կրէր   175   քիլոկրամ  Թի.Էն. Թի.  պայթուցիկ:  Իսկ  Ալ Թաքուա  մզկիթին առջեւ  պայթած ինքնաշարժին ինքնութիւնը ցարդ կը մնայ անծանօթ:

– Տեղեկահաւաքի գրասենեակը  Մընիյէի շրջանին մէջ  ձերբակալեց  շէյխ  Ահմէտ Ղարիպը:  Վերջինիս բնակարանէն  բացայայտուած  են  զինուորական քարտէսներ եւ  պայթուցիկներ: Բացի այդ, ան  յայտնաբերուած է  Սալամ  մզկիթին առջեւ  զետեղուած տեսախցիկներէն մէկուն մէջ:   Թաուհիտ Իսլամի Շարժումը դատապարտեց  շէյխին ձերբակալութիւնը եւ պահանջեց ազատ արձակել անոր:

-Պաապտայի պալատին մօտիկ աղբիւրներ կը յայտնեն, թէ հանրապետութեան նախագահը  չէ ջնջած Սէուտական արաբիա կատարելիք այցելութիւնը: Նախագահին այցելութիւնը առիթ մը պիտի  ըլլայ  սէուտցի պաշտօնակատարներու հետ քննարկելու  նոր կառավարութիւն  կազմելու կարելիութիւնները:  

 -Մարոնիներու Պշարա Ռայի  գարտինալը  ցաւ յայտնեց, որ արտաքին ուժեր արաբական աշխարհը  քանդելու ծրագիր մը կը  փորձեն իրականացնել եւ   համայնքային  խռովութիւններ   կը սերմանեն:

– Լիբանանեան Կարմիր Խաչի  ընդհանուր քարտուղար  Ճորճ  Քաթանէ  յայտնեց,   Թրիփոլիի պայթումներուն  վերջնական հաշուեկշիռը՝  36 սպաննեալ եւ  500-է աւելի վիրաւոր:

-Լիբանանեան բանակը Սաատնայէլի շրջանին մէջ  գրաւեց  Սուրիոյ  ուղղութեամբ արգիլուած նիւթեր  փոխադրող  վեց  բեռնակառք:

– Կոլտման   Սաքս՝ ներդրումներու համաշխարհային դրամատունը  183  երկիրներէ բաղկացած  դասաւորումին մէջ  Լիբանանը դասեց  127-րդ  դիրքի վրայ: 2011-ի  հետ  բաղդատելով,  Լիբանան յառաջած է  երկու  դիրքով, սակայն կ’արժէ  նշել,որ  1997-ին  Լիբանան  կը գրաւէր  97-րդ դիրքը…:

– Թրիփոլիի  եւ հիւսիսային Լիբանանի միւֆթի Մելիք Շաար   զգուշացուց  Լիբանանը միջհամայնքային  բախումներու  միջոցաւ քանդելու արտաքին ծրագիրի մը գոյութենէն:  Շաար  միասնականութեան կոչ ուղղեց  լիբանանցիներուն:

 

LEAVE A REPLY

Please enter your comment!
Please enter your name here