ՄՈՍԿՈՒԱ ԿԸ ՔՆՆԱԴԱՏԷ ՍՈՒՐԻՈՅ ԴԷՄ ՈՒԺ ԳՈՐԾԱԾԵԼՈՒ ՅԱՒԱԿՆՈՂ ԱՐԵՒՄՏԵԱՆ ՊԵՏՈՒԹԻՒՆՆԵՐԸ

0
127

 Երէկ  կէսօրին  Դամասկոս  ժամանեց  քիմիական զէնքերու   գործածութեան մասնագէտ Անժելա Քէյնը: Քէյն պիտի այցելէ  քիմիական զէնք  օգտագործուած վայրերը եւ ուսումնասիրութիւն մը պատրաստէ այս մասին:  Յորդանանեան  զինուորական աղբիւր մը   յայտնեց, թէ յառաջիկայ օրերուն,  Սուրիոյ  հարցով  ապահովական ընդլայնուած  խորհրդաժողով մը  տեղի պիտի ունենայ Ամմանի մէջ,  Խորհրդաժողովին պիտի մասնակցին  Միացեալ Նահանգներու  բանակի միացեալ ուժերու շտապի պետ զօրավար Մարթին Տեմսին,  Սէուտական Արաբիոյ,  Քաթարի,  Թուրքիոյ,  Բրիտանիոյ, Ֆրանսայի,  Գերմանիոյ, Իտալիոյ  եւ Գանատայի  բանակներու  հրամանտարները:

Պի.Պի.Սի-ն հաղորդեց, թէ  Միացեալ Նահանգներ Միջերկրական ծովու մէջ գտնուող  ուժերը   մօտեցուցած է Սուրիոյ ափերը:  Լրատուական  կայանը  հաղորդեց, թէ  նախագահ Պարաք Օպամայի խորհրդականները կը քննարկեն  Սուրիոյ դէմ գործողութիւններու   ծրագիրներ:

Մինչ Սուրիոյ մէջ քիմիական նիւթերով յարձակումի մը մասին լուրերուն մանրամասնութիւնները եւ յարձակումին պատասխանատուները բացայայտելու աշխատանքները կը շարունակուէին, Ռուսիոյ արտաքին գործոց նախարարութիւնը խիստ հաղորդագրութեամբ մը քննադատեց արեւմտեան այն ուժերը, որոնք ՄԱԿ-ին վրայ ճնշում ի գործ կը դնեն՝ Սուրիոյ դէմ ուժ գործածելու նպատակով:
Միաժամանակ, Մոսկուա կոչ ըրաւ Սուրիոյ իշխանութեանց, որ առաւելագոյն գործակցութիւն ցուցաբերեն ՄԱԿ-ի քննիչներուն, բացայայտելու համար յարձակումին ծալքերը:

 Զինեալ բախումները  շարբունակուեցան  Սուրիոյ  տարբեր շրջաններու մէջ: Բանակը  Դամասկոսի  մէջ  սպանեց ազերի  ծայրայեղական մը:  Ցարդ  երեսուն   ազերի ծայրայեղականներ սպաննուած են Սուրիոյ մէջ:

LEAVE A REPLY

Please enter your comment!
Please enter your name here