ԻՍՐԱՅԷԼԵԱՆ ԶՕՐՔԵՐ ՍՊԱՆՆԵՑԻՆ ԵՐԵՔ ՊԱՂԵՍՏԻՆՑԻՆԵՐ

0
107

 Երէկ առաւօտեան,  Արեւմտեան Ափի  Քալանտիա գաղթակայանին մէջ,  իսրայէլեան զօրքեր սպաննեցին առնուազն երեք պաղեստինցիներ եւ  վիրաւորեցին չորս ուրիշներ:  Միջադէպը պատահեցաւ այն պահուն,երբ  իսրայէլեան միաւորներ խուժեցին Արեւելեան Երուսաղէմի հիւսիսային շրջաններուն մէջ գտնուող գաղթակայանը՝  պաղեստինցի  քաղաքական   բանտարկեալ մը ձերբակալելու  համար:  Պաղեստինցի երիտասարդներ սկսան    քարեր  նետել  իսրայէլեան միաւորներուն  վրայ, որոնք անմիջապէս  կրակ բացին՝ իբրեւ  հակադարձութիւն:  Իսրայէլեան բանակը  նաեւ յաջողեցաւ ձերբակալել հազիւ վերջերս ազատ արձակուած եւ նախապէս տասը տարի արգելափակուած  պաղեստինցի բանտարկեալ Եուսէֆ Խաթիպը:

2013-ի առաջին  վեց ամիսներուն ընթացքին, իսրայէլեան բանակը կալանաւորած է  մօտաւորապէս 1800 պաղեստինցիներ, որոնց մէջ՝ կանայք եւ անչափահասներ:

LEAVE A REPLY

Please enter your comment!
Please enter your name here