ՆԱԽԱԳԱՀ ՍԸԼԷՅՄԱՆ՝ ԱՐՏԱՔԻՆ ՇԱՀԵՐ ՊԱՇՏՊԱՆԵԼԷ ՀՐԱԺԱՐԵԼՈՒ ՀՐԱՒԻՐԵՑ ԲՈԼՈՐԻՆ

0
142

Հանրապետութեան նախագահ Միշէլ Սըլէյման  ազգային պատասխանատուութեան  հրաւիրեց  քաղաքական  բոլոր հոսանքները: Սըլէյման՝ արտաքին եւ  շրջանային շահեր  պաշտպանելէ հրաժարելու  հրաւիրեց բոլորին եւ առանց նախապայմաններու ազգային միասնականութեան կառավարութիւն կազմելու կոչ մը  ուղղեց: Ան շեշտեց, թէ  տարակարծութիւնները անհրաժեշտ է  երկխօսութեան  սեղաններուն վրայ  լուծել, որովհետեւ  վտանգը կը սպառնայ  համայն  Լիբանանին:  Այս ծիրին  մէջ,  Սըլէյման նորանշանակ վարչապետ  Թամամ Սալամին  թելադրեց  Ուալիտ Ճոմպլաթի  եւ քաղաքական  ուժերու հետ   խորհրդակցիլ  «Երեք Ութեր»ու տարազով կառավարութեան մը   շուրջ:  

Սըլէյման   Պաապատայի  պալատին մէջ ընդունեց ընկերային հարցերու հրաժարեալ նախարար Ուայէլ Ապու Ֆաուրը եւ անոր հետ քննարկեց սուրիացի  փախստականներուն իրավիճակը: Հանրապետութեան նախագահը նաեւ ցաւակցական հեռագիր մը ստացաւ Պաղեստինեան Իշխանութեան նախագահ Մահմուտ  Ապպասէն՝ Թրիփոլիի պայթումներուն առիթով:

Նորանշանակ վարչապետ Թամամ Սալամ, Մըսայթպէի իր բնակարանէն հեռաձայնային խօսակցութիւններ ունեցաւ  քաղաքական, ապահովական   եւ  կրօնական անձնաւորութիւններու հետ, որոնց մէջ հրաժարեալ վարչապետ Նեժիպ Միքաթիի: Սալամ  ըսաւ, թէ անհրաժեշտ է  միացնել  բոլոր ուժերը  եւ   թիկունք կենալ նախագահ Սըլէյմանի  քայլերուն:

LEAVE A REPLY

Please enter your comment!
Please enter your name here