ՊԱՇՏՊԱՆՈՒԹԵԱՆ ԳԵՐԱԳՈՅՆ ԽՈՐՀՈՒՐԴԸ ՅԱՒԵԼԵԱԼ ԶԳՈՒՇՈՒԹԵԱՆ ԿՈՉ ՈՒՂՂԵՑ

0
112

 Պաշտպանութեան Գերագոյն Խորհուրդը Պաապտայի պալատին մէջ, հանրապետութեան նախագահ  Միշէլ Սըլէյմանի  գլխաւորութեամբ գումարեց նիստ մը:  Նիստին մասնակցեցան հրաժարեալ վարչապետ Նեժիպ Միքաթին, նախարարներ Ատնան Մանսուր,  Մարուան Շարպէլ,  Մուհամմէտ Սաֆատի,  Նիքոլա Նահաս, Ալի Հասան Խալիլ, Ուայէլ Ապու Ֆաուր,  Ֆայէզ Ղըսն, Շաքիպ  Ղըրթպաուի,  բանակի   ընդհանուր հրամանատար, զօրավար Ժան Քահուաճի, ընդհանուր անվտանգութեան ընդհանուր տնօրէն Ապպաս  Իպրահիմ,  պետական անվտանգութեան  ընդհանուր տնօրէն, հազարապետ  Ժորժ  Քարաա,պաշտպանութեան գերագոյն խորհուրդի ընդհանուր քարտուղար, հազարապետ Մուհամմէտ Խէյր,  գաղտնի սպասարկութեան  տնօրէն, գնդապետ Էտմոն Ֆատէլ,  ներքին ապահովութեան ուժերու ընդհնուր տնօրէնի գործակատար, գնդապետ Իպրահիմ Պասպուս, տեղեկահաւաքի բաժնի  պետ Իմէտ  Օսման եւ այլ  պաշտօնակատարներ: Ներկաները  քննարկեցին  Թրիփոլիի  պայթումին մանրամասնութիւնները, ինչպէս նաեւ երկրին  ապահովական կացութիւնը:  Նիստէն բխած  հաղորդագրութիւնը,  ապահովական հսկողութիւնը խստացնելու  յանձնառութեան տակ կը դնէր ազգային  անվտանգութեան բոլոր մարմինները: Ներքին գործոց նախարարի պաշտօնակատար Մարուան Շարպէլ  շեշտեց, թէ  երկրի  տարածութեան  վրայ  աւելի  պիտի խստնանան ապահովական  կանխամիջոցները: Բանակի հրամանատար զօրավար Ժան Քահուաճի դիտել տուաւ, որ  դրացի  պետութիւններու հետ բաղդատած, Լիբանանի վիճակը  կը  մնայ  գոհացուցիչ: Նախարար  Մուհամմէտ Սաֆատի  ըսաւ, թէ   լիբանանեան  բոլոր շրջաններու համար  ապահովական ծրագիր մը  պիտի դրուի  գործադրութեան:

LEAVE A REPLY

Please enter your comment!
Please enter your name here