ԼԻԲԱՆԱՆԵԱՆ ԿԱՐՃ ԼՈՒՐԵՐ

0
117

 

–  Կառավարութեան մօտ զինուորական ատեանի դատախազ Սաքր Սաքր այցելեց  տեղեկահաւաքի   բաժինը  եւ  լսեց Թրիփոլիի պայթումներուն վերաբերեալ  շէյխ Ահմէտ Ղըրէյպի  վկայութիւնները: Սաքր   24-ով  վերանորոգեց Ղըրյէպը  բերման ենթարկելու հրամանագիրը:

 – Մուսթաքպալ Հոսանքի նախագահ Ֆուատ Սինիորա դարձեալ  շեշտեց, որ Լիբանանը անհրաժեշտ է   հեռու պահել  շրջանին մէջ  տեղի ունեցող հակամարտութիւններէն:

– Արտաքին գործոց նախարարի պաշտօնակատար Ատնան Մանսուր յայտարարեց, թէ  Լիբանանի  օդային տարածութիւնը  բաց պիտի  չըլլայ Սուրիոյ դէմ որեւէ յարձակումի առջեւ:

– Լիբանանեան բանակի ընդհանուր  հրամանատար, զօրավար Ժան Քահուաճի  դիտել տուաւ, որ այնքան ժամանակ  որ  կանգուն է բանակը, անիկա պիտի պայքարի Լիբանանի միասնականութեան համար: Քահուաճի ընդունեց Լիբանանի մօտ Չինաստանի դեսպանը  եւ անոր  հետ քննարկեց  շրջանային հարցեր:

 – Երեսփոխան Ասէմ Քանսօ յայտնեց, թէ Սուրիոյ  դէմ  զինուորական արշաւ մը  սկսելու պարագային, պիտի ըլլայ սահմանափակ:  Ան  ընդգծեց,թէ  Սուրիոյ դէմ ամերիկեան  որեւէ ճակատում իր հետեւանքները պիտի  ունենայ Լիբանանի վրայ:

– Տնտեսական Յանձնախումբերը  ներկայացնող փոքրանդամ մարմինը,  նախկին նախարար Ատնան Քասարի գլխաւորութեամբ նիստ մը գումարեց երէկ կէսօրէ ետք եւ  քննարկեց  յառաջիկայ ամսուան չորսին հաստատութիւնները փակելու  հրաւէրը:  Տնտեսական Յանձնախումբը  ժամանակէ մը ի վեր  իշխանութիւնները կը նախազգուշացնէ   երկրին  դիմագրաւած  տնտեսական եւ  ընկերային տագնապներէն:

 – Հաւատարմութիւն Դիմադրութեան խորհրդարանական խմբաւորումի անդամ Ալի Ֆայիատ ըսաւ, թէ  «Ժընեւ -2» խորհրդաժողովը   ժամանակի կը կարօտի   տակաւին, իսկ Սուրիոյ  վրայ ամերիկեան յարձակումին նպատակը պիտի  ըլլայ,   փոփոխութեան  ենթարկել  գետնի վրայ ուժերու յարաբերութիւնը:  

   – Իսրայէլեան բանակը  երէկ առաւօտեան  հետախուզական թռիչքներ  կատարեց  հարաւային Լիբանանի եւ  Պեքաայի շրջաններուն վրայ:

 

LEAVE A REPLY

Please enter your comment!
Please enter your name here