ՆԱԽԱԳԱՀ ՍԸԼԷՅՄԱՆ ԿՈՂՄԵՐԷՆ ԿԸ ՊԱՀԱՆՋԷ ՎԵՐԱԴԱՌՆԱԼ ՊԱԱՊՏԱՅԻ ՅԱՅՏԱՐԱՐՈՒԹԵԱՆ

0
116

 Նախագահ Միշէլ Սըլէյման Պէյյթ  Էլ Տինի  իր ամարանոցին մէջ ընդունեց երեսփոխան  Միշէլ Ֆարաոնը եւ անոր հետ քննարկեց լիբանանեան բեմի վերջին զարգացումները:  Ան նաեւ ընդունեց  նախկին նախարարներ Իլիաս Հանան եւ  Իպրահիմ Տահէրը:  Նախագահ Սըլէյման  ընդունեց  Լիբանան ի մօտ Ռուսիոյ դեսպան  Ալեքսանտր Զասփիքինը եւ անոր հետ  քննարկեց Միջին Արեւելքի իրավիճակը, ինչպէս նաեւ   Լիբանանի օժանդակութեան համար, Նիւ Եորքի մէջ տեղի ունենալիք միջազգային համագումարին նախապատրաստութիւնները:

Հանրապետութեան նախագահ Միշէլ Սըլէյման  քաղաքական բոլոր հոսանքներուն թելադրեց վերադառնալ Պաապտայի Յայտարարութեան կէտերուն: Սըլէյման՝ ազգային շահերը պաշտպանելու  եւ տարակարծութիւնները երկխօսութեան ճանապարհով  լուծելու  կոչ ուղղեց   քաղաքական ուժերուն:  Ան միաժամանակ մաղթեց, որ  քաղաքական  ճանապարհով կը լուծուի Սուրիոյ  հակամարտութիւնը:

Հանրապետութեան նախագահը Պաապտայի պալատին մէջ  գլխաւորեց նիստի մը,որուն մասնակցեցան   հրաժարեալ վարչապետ Նեժիպ Միքաթին,  ընկերային հարցերու նախարար Ուայէլ Ապու Ֆաուրը,  ներքին գործոց նախարար  Մարուան Շարպէլը,  ընդհանուր անվտանգութեան  ընդհանուր տնօրէն, հազարապետ Ապպաս Իպրահիմը,  դեսպան Նեժի Ապի Ասին, գնդապետ Ժոժէֆ Նըժէյմը եւ այլ անձնաւորութիւններ:  Նիստին  մասնակիցները  քննարկեցին  Լիբանան ժամանող սուրիացի գաղթականներուն իրավիճակը: Նախքան նիստը, նախագահ Սըլէյման կարճ խորհրդակցութիւն մը ունեցաւ    վարչապետ Միքաթիի հետ:  Նիստէն ետք, նախարար Ապու Ֆաուր  ըսաւ, թէ  Լիբանան պիտի  շարունակէ սուրիացի գաղթականներու  հանդէպ  մարդասիրական իր պարտականութիւնները:

Հրաժարեալ  վարչապետ  Նեժիպ Միքաթի  վարչապետարանին մէջ գումարեց  ելեւմտական-տնտեսական    նիստ մը,  նախարարներ Մուհամէտ Սաֆատիի, Նիքոլա Նահասի եւ  կեդրոնական դրամատան ընդհանուր կառավարիչ Ռիատ Սալամէի մասնակցութեամբ::  Միքաթի  ընդունեց   ընկերային հարցերու նախարար Ուայլ Ապու Ֆաուրը

 Նորանշանակ վարչապետ Թամամ Սալամ Մըսայթպէի իր բնակարանին մէջ ընդունեց  տեղեկատուութեան նախարար Ուալիտ Տաուաքը,   հեռատեսիլի պետական կայանի տնօրէն Թալալ Մաքտեսին եւ այլ անձնաւորութիւններ:

Խորհրդարանի նախագահ Նեպիհ Պըրիի,  Այն Էլ Թինէ այցելող երեսփոխաններուն յայտնեց, թէ ազգային միասնականութեան կառավարութեան մը կազմութիւնը աւելի հրատապ անհրաժեշտութիւն դարձած է այս օրերուն:

LEAVE A REPLY

Please enter your comment!
Please enter your name here