ՍԵԼԹԻՔ ՀԱՍԱՒ ՉԵՄՓԻԸՆԶ ԼԻԿ-Ի ԽՄԲԱԿԱՅԻՆ ՀԱՆԳՐՈՒԱՆԻՆ

0
274

Սկովտիական  Սելթիքը հասաւ  Եւրոպայի Ախոյեան Խումբերու  Ախոյեանութեան «Չեմփիընզ Լիկ» մրցաշարքի խմբակային  հանգրուանին:  Երթի մրցումին,  Շախտիոր  Քարականտի  դէմ  2-0 արդիւնքով պարտութիւն մը կրելէ ետք, սկովտիացիները իրենց սեփական դաշտին մէջ  3-0 արդինքով յաղթանակ մը արձանագրեցին  իրենց մրցակիցին դէմ եւ  հասան  խմբային հանգրուանին:

 Համանուն բաժակին եօթ անգամ տիրացած Ա.Սէ. Միլանը  սեփական դաշտին մէջ  3-0 արդիւնքով պարտութեան մատնեց Փ.Էս. Վի. Այնտհովենը  եւ  վերջին  12 տարիներու ընթացքին, 11-րդ անգամ  ըլլալով հասաւ  մրցաշարքի խմբակային հանգրուանին:  Ճորճ Պոթենկ (2) եւ ՄԱրիօ Պալոթելի նշանակեցին Միլանի կազմին կոլերը:  Երթի  հանդիպումը Հոլանտայի մէջ վերջ գտած էր 1-1  հաւասարութեամբ:

Ռէալ Սոսիետատ  2-0 արդիւնքով պարտութեան մատնեց Լիոնը եւ   հասաւ խմբակային հանգրուանին:  Վիքթորիա Փլզէն,  Զենիթ նոյնպէս հասան  խմբակային հանգրուանին:

ՊԱՐՉԵԼՈՆԱ  ՇԱՀԵՑԱՒ ՍՊԱՆԻՈ ՍՈՒՓԸՐ  ԳԱՓ-Ը

Պարչելոնա շահեցաւ Սպանիոյ Սուփըր Գափ-ը: Արդարեւ  երթի մրցումը  Աթլեթիքօ Մատրիտի դաշտին մէջ  1-1 արդիւնքով հաւասարութիւն մը արձանագրելէ ետք,  գաթալոնական խումբը  սեփական մարզադաշտին մէջ սպիտակ  հաւասարուաթեամբ մը աւարտեց  իր մրցակիցին դէմ հանդիպումը եւ  օտար դաշտի մէջ նշանակած կոլին շնորհիւ  շահեցաւ  Սուփըր Գափ-ը:  Մրցումիի 89-րդ վայրկեանին  Լիոնէլ Մեսի  կորսնցուց իր խումբին յաղթանակ շնորհելու գեղեցիկ առիթ մը եւ   մրցակից խումբի ձողափայտին հարուածեց իրաւարարին շնորհած փենալթի հարուածը:

Պարչելոնա իր պատմութեան մէջ 15-րդ անգամ ըլլալով կը շահէր սոյն բաժակը: Մրցումէն ետք, Պարչելոնայի մարզիչ Ճեռարտօ Մարթինօ յայտարարեց, թէ  յաղթանակը կը նուիրէ նախկին մարզիչ Թիթօ Վիլանովային:

ՄԱՆՉԵՍԹԸՐ  ԵՈՒՆԱՅԹԸՏ – ԼԻՎԸՐՓՈՒԼ

Անգլիոյ,  Գափիթալ Ուան Գափ (նախկին Լիկ Գափ)  բաժակի երրորդ հանգրուանի    մրցումներու վիճակաձգութիւնը իրարու դէմ  հանեց  Մանչեսթըր Եունայթըտը եւ  Լիվըրփուլը:  Մրցումը տեղի պիտի ունենայ Եունայթըտի Օլտ Թրեֆորտ մարզադաշտին մէջ: Սկզբունքով, այդ  հանդիպումին,  Լիվըրփուլի յարձակող  Լուիս Սուարէզ  իր երկար պատիժէն  վերադառնալով պաշտօնական առաջին մրցումը պիտի կատարէ «Կարմիր»ներուն շապիկով:

Ստորեւ  մնացեալ  մրցումներուն  յատագիրը.

Սանտերլանտ –  Փիթըրպորօ

Ուեսթ Համ Եունայթըտ – Գարտիֆ Սիթի

Մանչեսթըր Սիթի – Ուիկան

 Պըրնլի – Նոթինկհամ Ֆորեսթ

 Նիուքասլ Եունայթըտ- Լիծ Եունայթըտ

 Սաութեմփըն –  Պրիսթոլ Սիթի

 Ուեսթ Պրոմուիչ Ալպիոն – Արսենալ

Սուինտոն  Թաուն  – Չելսի

Թրէյնմէր  Ռովըրզ  – Սթոք Սիթի

 Ուաթֆորտ – Նորուիչ Սիթի

 Ասթոն Վիլա-  Թոթենհամ

 Հոլ Սիթի – Հատըրսֆիլտ Թաուն

 Լեսթըր Սիթի – Տըրպի Գաունթի

 Պիրմինկհամ Սիթի – Սուանսի Սիթի

 Ֆուլամ – Էվըրթըն

Վերոյիշեալ մրցումները տեղի պիտի ունենան 23  Սեպտեմբերէն 30-ի միջեւ:

 

 ՈՒՐԲԱԹ  ԵՐԵԿՈՅԵԱՆ՝   ԵԳՐՈՊԱՅԻ  ՍՈՒՓԸՐ ԳԱՓ-Ը

Պայերն  Միւնիխ – Չելսի ժամը՝  21.45

 

 

LEAVE A REPLY

Please enter your comment!
Please enter your name here