ԼԻԲԱՆԱՆ ԿԸ ՀԵՏԱՊՆԴԷ ՇՐՋԱՆԱՅԻՆ ԶԱՐԳԱՑՈՒՄՆԵՐԷՆ ՀԵՌՈՒ ՄՆԱԼՈՒ ԿԱՐԵԼԻՈՒԹԻՒՆՆԵՐԸ

0
125

Լիբանան  կը հետապնդէ  շրջանային   հակամարտութիւններէն  հեռու մնալու քաղաքականութիւնը աւելի ազդու դարձնելու կարելիութիւնները:  Այս  ծիրին մէջ,  Հանրապետութեան նախագահ Միշէլ Սըլէյման ընդունեց Հաւատարմութիւն Դիմադրութեան  խորհրդարանական խմբաւորումի պետ  Մուհամմէտ Ռաատը եւ անոր հետ քննարկեց   ներքին եւ շրջանային հարցեր:  Սըլէյման նաեւ ընդունեց երեսփոխան  Պութրոս Հարպը եւ անոր հետ քննարկեց կառավարութեան կազմութեան աշխատանքները:

 Նորանշանակ վարչապտ Թամամ Սալամ   ընդունեց   հրաժարեալ պետական նախարար Ալի Քանսօն եւ Ղովմի կուսակցութեան  սուրիական թեւի ներկայացուցիչ  Ուայէլ  Հասինան եւ   քննարկեց  ներլիբանանեան բեմի վերջին զարգացումները:Սալամ իր  այցելուներուն  յայտնեց, թէ  կը ձգտի ազգային միասնականութեան կառավարութիւն մը  գլխաւորել՝  քաղաքական բոլոր կողմերուն մասնակցութեամբ:

 Խորհրդարանի նախագահ Նեպիհ Պըրրի դիտել տուաւ, որ   քաղաքական  իրավիճակը  կը թելադրէ ազգային միասնականութեան կառավարութեան մը կազմութիւնը:  Պըրրի  միաժամանակ   ըսաւ, թէ կառավարութիւն պիտի չկազմուի առանց Հըզպալլայի մասնակցութեան:

LEAVE A REPLY

Please enter your comment!
Please enter your name here