ԱՏՐՊԷՅՃԱՆՑԻ ԳԵՐԻՆ ՓՈԽԱՆՑՈՒԱԾ ԵՐՐՈՐԴ ԵՐԿԻՐ

0
122

Հայաստանի պաշտպանութեան նախարարի առաջին տեղակալ Դ. Տօնոյեան  հանդիպում մը  ունեցաւ Հայաստանի մէջ Կարմիր Խաչի միջազգային կազմակերպութեան գրասենեակի ղեկավար Լ. Կարաֆֆիի հետ: Դ. Տօնոյեան յայտնեց, որ՝ հաւատարիմ մնալով Հայաստանի ստանձնած միջազգային պարտաւորութիւններուն, ցուցաբերելով մարդու իրաւունքներուն ու մարդասիրական արժէքներուն նուիրուածութիւն, ինչպէս նաեւ հաշուի առնելով Ատրպէյճանի նախկին քաղաքացիի աներկդիմի որոշումը՝ իրաւասու միջազգային կազմակերպութեան միջոցով վերջինս փոխանցուած է երրորդ երկիր, ուր անոր տրուած է գաղթականի կարգավիճակ:
Նշենք, որ իր երկրին մէջ անմարդկային ճնշումներու եւ խոշտանգումներու ենթարկուելուն պատճառով Ֆիրուզ Ֆարաջեւը 2012-ի Յուլիսին փախուստի դիմած ու հատած է Հայաստանի սահմանը: Հայաստանի մէջ գտնուելու ընթացքին միջազգային մարդասիրական կազմակերպութիւնները բազմիցս անարգել հանդիպած են անոր հետ:
Երրորդ երկիր փոխանցելու վերաբերեալ որոշումը տրուած է՝ հիմնուելով Ֆարաջեւի ազատ կամքին վրայ, ուսումնասիրելով փաստերը, ինչպէս նաեւ յստակօրէն պատկերացնելով Ատրպէյճանի մէջ տիրող բարքերը եւ ռազմագերիներուն սպասող դաժան ճակատագիրը:

 

LEAVE A REPLY

Please enter your comment!
Please enter your name here