« ԿՐՕՆԻ ԱԶԱՏՈՒԹԻՒՆԸ ԺԱՄԱՆԱԿԱԿԻՑ ԱՇԽԱՐՀԻ ՄԷՋ» ԽՈՐԱԳԻՐՈՎ ԽՈՐՀՐԴԱԺՈՂՈՎ ԵՐԵՒԱՆԻ ՄԷՋ

0
119

Երեւանի մէջ,  2  եւ 3 Սեպտեմբերի  միջեւ  տեղի կ’ունենայ «Կրօնի ազատութիւնը  ժամանակակից  աշխարհի մէջ. Մարտահրաւէրներ եւ  երաշխիքներ» խորագիրով  միջազգային խորհրդաժողով: Միջոցառումին  կը մասնակցին  Եւրոպայի Խորհուրդի անդամ երկիրներու  հոգեւորականութեան,  հայ առաքելական եկեղեցւոյ, միջազգային  հայկական կրօնական եւ ոչ կրօնական կազմակերպութիւններու,   հաստատութիւններու ներկայացուցիչներ եւ Եւրոպայի  Խորհուրդի  քարտուղարութիւնը:

Այս   առիթով արտասանած իր  խօսքին մէջ,  Հայաստանի արտաքին  գործոց  նախարար Էտոարտ Նալպանտեան  շեշտեց,թէ  Հայաստան միշտ  յարգած է  կրօնական  միջմշակութային երկխօսութիւնը, այլ  ժողովուրդներու ազգային  ինքնութիւնը,  ժառանգութիւնը: Ան ընդգծեց, թէ  ազգային, մշակութային  եւ կրօնական աւանդոյթներու նկատմամբ  յարգանքը հասարակութիւններու  խաղաղ  համակեցութեան եւ ներդաշնակ զարգացման   հիմնական պայմաններէն է:

Նալպանտեան   հանդիպում մը  ունեցաւ   Երեւանի  պետական համալսարանի   միջազգային յարաբերութիւններու   ենթաբաժնի ուսանողներուն հետ:  Հանդիպման ընթացքին ան յայտարարեց, թէ անցնող հինգ տարիներուն, Լեռնային  Ղարաբաղի հակամարտութեան վերաբերեալ  ԵԱՀԿ-ի  յայտարարութիւնները  համահունչ եղած են  Հայաստանի դիրքորոշման հետ:

LEAVE A REPLY

Please enter your comment!
Please enter your name here