ՍԸԼԷՅՄԱՆ ԱՌԱՋՆԱՅՆՈՒԹԻՒՆԸ ԿՈՒ ՏԱՅ ՆՈՐ ԿԱՌԱՎԱՐՈՒԹԵԱՆ

0
153

Հանրապետութեան նախագահ Միշէլ Սըլէյման իր  այցելուներուն հետ  Սուրիոյ  իրավիճակին մասին խօսելով,  քաղաքական  լուծում մը  մաղթեց ծայր առաջ  հակամարտութեան:  Սըլէյման  մերժեց Սուրիոյ դէմ  զինուորական միջամտութիւնները: Նախագահը միաժամանակ  խօսեցաւ նոր կառավարութեան կազմութեան  վերաբերեալ նորանշանակ վարչապետ Թամամ Սալամի   քայլերուն: Սըլէյման  դիտել տուաւ, թէ  ոչ ոք կրնայ  մուտք գործել  վարչապետին  իրաւասութիւններէն ներս, որովհետեւ  Թայէֆի  համաձայնագիրը  ճշդած է  զանոնք: Ան աւելցուց, թէ   Սալամ ազատ է  իր հայեցողութեամբ  կառավարութիւն մը կազմելու եւ  ներկայացնելու հանրապետութեան նախագահին: Հանրապետութեան նախագահը  ընդունեց  ներքին գործոց նախարարի պաշտօնակատար  Մարուան Շարպէլը եւ անոր հետ քննարկեց ապահովական  հարցեր: Ապա ան  ընդունեց հանրօգուտ  շինութեանց  նախարարի պաշտօնակատար  Ղազի Արիտին, նախկին նախարարներ  Ռոժէ Տիպը եւ  Նեժի Պուսթանին, գերագոյն ատեանի գերագոյն խորհուրդի դատախազ Ժան Ֆահտը: Վերջինս հանրապետութեան   նախագահին դրաւ   պայթումներուն  շուրջ կատարուող հետաքննութիւններուն  մթնոլորտին մէջ:

Հրաժարեալ  վարչապետ  Նեժիպ Միքաթի ընդունեց Լիբանանի մօտ  Սէուտական Արաբիոյ դեսպան Ալի Աուատ  Օսէյրին:  Ան նաեւ  ընդունեց Լիբանանի  մօտ Թուրքիոյ  դեսպան Էնան  Օզըլտիզը եւ  քննարկեց  առեւանգուած  երկու թուրք  օդաչուներուն վերաբերեալ վերջին զարգացումները:  Ներքին գործոց նախարար Մարուան Շարպէլ  յայտնեց, թէ  Հըզպալլա  ընդունած է  քուէյթցի դիւանագէտին հետ պատահած դատապարտելի  սխալը:

LEAVE A REPLY

Please enter your comment!
Please enter your name here