ԵԳԻՊՏԱՀԱՅ ՀԱՄԱՅՆՔԸ ԿԸ ՎԵՐԱԴԱՌՆԱՅ ԲՆԱԿԱՆՈՆ ԱՌՕՐԵԱՅԻՆ

0
177

«Եգիպտոսի մէջ   ներկայիս  բախումներ չկան, երկիրը  աստիճանաբար բնականոն   հունի մէջ կը  մտնէ,   համայնքի հետ կապուած որեւէ  խնդիր չկայ». յայտարարեց  Եգիպտոսի  հայոց  թեմի առաջնորդ Աշոտ եպիսկոպոս  Մնացականեանը:

Աշոտ սրբազանը նաեւ  փոխանցեց, թէ  երկրին մէջ, երեկոյեան ժամը 9-էն, մինչեւ առաւօտեան ժամը 6,  կը գործէ  ստիպողական դրութիւն.« Այս պահուն մարդիկ կը շարունակեն  իրենց բնականոն կեանքը, աշխատանքի կ’երթան, դպրոց, մանկապարտէզ… նոյն վիճակն է նաեւ  հայ համայնքին մէջ»:  Սրբազանին վկայութեամբ անցնող բախումներուն  ընթացքին  վնասուած է  մէկ կամ երկու  հայապատկան կառոյց, որոնց  վերաշինութիւնը արդէն սկսած է: Սրբազանը հաւաստեց, թէ կառավարութիւնը ամէն գնով կ’աշխատի պահպանելու ապահովական կայունութիւնը:

Իսլամական Եղբայրակցութիւնը  համաժողովրդային  հաւաքներով  նշեց  իշխանութենէն արտաքսուելու  երկամսեակը:  Անոնք, Գահիրէի եւ  այլ քաղաքներու  մէջ  զանգուածային  հաւաքներով պահանջեցին  Մորսիի վերադարձը իշխանութեան:  Ցուցարարները  շեշտեցին, թէ հաւաքները  պիտի  շարունակուին, մինչեւ օրինականութեանվերահաստատումը :  Միւս կողմէ, իշխանութիւնները  կազմեցին երկրին սահմանադրութիւնը  մշակելու  լիազօրուած Սահմանադրական Յանձնաժողովը: Վերջինս կ’ընդգրկէ  քաղաքական յիսուն  ուժերու ներկայացուցիչ:

Եգիպտական  օդուժը երէկ  ռմբակոծեց Սինայի  թերակղզիին մէջ ապաստանած  զինեալներու  կեդրոնները:

LEAVE A REPLY

Please enter your comment!
Please enter your name here