ԼԻԲԱՆԱՆԵԱՆ ԿԱՐՃ ԼՈՒՐԵՐ

0
129

– Մարոնիներու Պշարա  Ռայի  պատրիարքը փրկութեան նախաձեռնութիւն մը  պիտի արձակէ  մարոնի կղերին այսօրուան նիստին:  Ռայիի  նախաձեռնութիւնը, որ կը վայելէ  Վատիկանի զօրակցութիւնը, կը միտի միաւորել   քրիստնէական  հոսանքները եւ  հետապնդել անոնց իրաւունքները: Նախաձեռնութեան երկրորդ  հատուածը  պիտի  ըլլայ  Լիբանանի   մեկուսացումը Սուրիոյ   հակամարտութենէն: Ռայի  ընդգծեց, թէ ներկայ պայմաններուն տակ   աշխատավարձերու յաւելման  օրինագիծը հաստատուելու պարագային, շատ մը  կրթական հաստատութիւններ  պիտի  փակեն իրենց  դուռերը: Ռայի նաեւ պահանջեց ազդու կառավարութիւն մը, որ  յաջողի  պահպանել ապահովական կայունութիւնը եւ ազգային համերախշութիւնը:

-Տնտեսական Յանձնախումբերու որոշումով այսօր՝  Չորեքշաբթի,  Լիբանանի  բոլոր շրջաններուն մէջ  տեղի պիտի ունենայ գործադուլ:  Շշուկներ կան, որ վառելանիւթի  կայանները  նոյնպէս պիտի մասնակցին միօրեայ  գործադուլին:  Յանձնախումբերու գործադուլը յայտարարուեցաւ առ ի բողոք՝ կառավարութիւն կազմելու  ձախողութեան :

-Առեւտուրի եւ   ճարտարարուեստի  գրասենաեակի  նախագահ  Մուհամմէտ  Շըղէյր  յայտարարեց, թէ  թեւակոխած է  տնտեսական  փլուզումի հանգրուանը, որ  ինքնաբերաբար պիտի  յանգի  ընկերային պայթումի:

– Ապահովական մարմիններ համոզիչ ապացոյցներու լոյսին տակ, սկսած են եզրակացնել, թէ    միեւնոյն  խմբաւորումն է    Ռուէյսի եւ  Թրիփոլիի պայթումներուն  յանցագործը:

-Լիբանանեան  բանակի ընդհանուր հրամանատար, զօրավար Ժան Քահուաճի ընդունեց ՄԱԿ-ի ընդհանուր քարտուղարի անձնական  պատուիրակ Տերէք Փլամլին եւ  Լիբանան-Սուրիա  գերագոյն խորհուրդի  ընդհանուր  քարտուղար  Նասրի Խուրին:  Քահուաճի իր  այցելուներուն հետ քննարկեց  Լիբանանի եւ  շրջանային  զարգացումները:

LEAVE A REPLY

Please enter your comment!
Please enter your name here