ՄԱՐԶԱԿԱՆ – ՕԶԻԼ ՄԻԱՑԱՒ ԱՐՍԵՆԱԼԻ

0
121

 Անգլիական  ֆութպոլի   փոխանցումներու  ամառնային պատուհանը  աւարտեցաւ նոր մրցանիշով:  Արդարեւ, փոխանցումներու նպատակով  ակումբներու միջեւ շրջան  ընող  գումարը բարձրացաւ 515  միլիոն սթերլինի,   հատելով  նախապէս՝  2008-ին հաստատուած   500 միլիոնի մրցանիշը:  Մեր մարզասէր ընթերցողներուն ուշադրութեան  կը փափաքինք յանձնել կարգ մը ուշագրաւ փոխանցումներ:

Ռէալ  Մատրիտի  եւ  Գերմանիոյ ազգային խումբի միջնապահ Մեսութ Օզիլ   միացաւ Արսենալի:  24-ամեայ միջնապահին  փոխանցման սակը կը գնահատուի  43  միլիոն սթերլին:

Մանչեսթըր Եունայթըտ յաջողեցաւ  ձեռք բերել  Էվըրթընի  պելճիքացի միջնապահ Մարուան Ֆելայինին:  25-ամեայ միջնապահին  փոխանցումին համար  Եունայթըտ  վճարեց  27.5  միլիոն սթերլին գումար մը:  Սակայն «Կարմիր Սատանաներ»ը  ձախողեցան   իրականացանել Աթլեթիք Պիլպաոյի միջնապահ  Անտէր  Հերերայի եւ Ռէալ  Մատրիտի յետսապահ  Ֆապիօ  Քուենթարաուի  փոխանցումները:

Լիվըրփուլ  յաջողեցաւ ապահովել Փարի Սէն Ժերմէնի յետսապահ Մամատու Սախօն, Սփորթինկ Լիզպոնի յետսապահ Թիակօ  Լորին:  «Կարմիրները» մէկ տարուան համար փոխառութեամբ վերցուաին Չելսիի եզրային յարձակող   Վիքթոր Մոզէսը:

Նշենք, թէ   Թոթենհամի  եւ Ուէյլզի  միջնապահ Կարէթ Պէյլ    փոխանցումային  նոր  մրցանիշ մը հաստատեց, երբ    փոխան  86  միլիոն սթերլին գումարի միացաւ Ռէալ Մատրիտին:  Սպանական ակումբը  փոխանցումներու պատուհանին ընթացքին  յաջողեցաւ 111.5  միլիոն եուրոյի գումար շահ մը ապահովել:   Ռէալէն հեռացան Ռիքարտօ Գարվալիօն,  Ռաուլ Ալպիոլը, Խոսէ Քալյէխոն,  Կոնսալօ Հիկուայինը,   Խուանֆրանը, Քաքան եւ Մեսուտ  Օզիլը:

LEAVE A REPLY

Please enter your comment!
Please enter your name here