ԸՍՏ ԵՒՐՈՊԱԿԱՆ ՄԻՈՒԹԵԱՆ՝ ՄՈՍԿՈՒԱ ՃՆՇՈՒՄԻ ԵՆԹԱՐԿԱԾ Է ԵՐԵՒԱՆԸ (ԹԱՐՄԱՑՈՒԱԾ)

0
119

Եւրոպական Խորհրդարանի արտաքին յարաբերութիւններու  յանձնաժողովի նախագահ Էլմար  Պրոք, որ միաժամանակ  Եւրոպայի ամենահզօր քաղաքական ուժերէն՝ Եւրոպական  Ժողովրդական Կուսակցութեան  գործադիր մարմնի անդամ է, դիտել տուաւ, որ  Հայաստան չի կրնար միաժամանակ անդամակցիլ  Վլատիմիր Փութինի առաջարկած Մաքսային Միութեան եւ  Եւրոպական Միութեան ընկերակցութեան համաձայնագրին: «Ես շատ կը ցաւիմ այս որոշումին համար, ես այս հարցը քննարկած եմ Հայաստանի նախագահին հետ: Մենք գիտենք, որ  Ռուսիոյ  կողմէ՝ Ղարաբաղի եւ Ատրպէյճանի  շուրջ ահռելի ճնշումներ գործադրուած են  Հայաստանի վրայ: Ես շատ կը ցաւիմ, որովհետեւ իրաւապահականօրէն կարելի  պիտի  չըլլայ  լիարժէք  անդամակցիլ Մաքսային Միութեան եւ   Եւրոպական Միութեան գոծընկերութեան». յայտնեց Պրոք: Ան նաեւ աւելցուց, թէ յետ այսու,  Հայաստանի հետ յարաբերութիւնները պիտի  ըլլան, այնպէս ինչպէս՝   Եւրոպական Միութիւնը ունի ցանկացած պետութեան հետ, սակայն առանց՝ եւրոպական հեռանկարի: Պրոք մաղթեց, որ Հայաստան կը  վերանայի իր որոշումին, աւելցնելով որ Եւրոպական Միութիւնը անհրաժեշտ է, որ  աւելի մեծ հետաքրքրութիւն ցուցաբերէ Լեռնային Ղարաբաղի հակամարտութիւնը կարգաւորելու  հարցով:

Նշենք, թէ  Եւրոպական  Միութիւնը  ուշի ուշով կը հետեւի Մոսկուայի մէջ՝ Մաքսային Միութեան  միանալու  նախագահ Սերժ Սարգսեանի յայտարարութեան, սակայն կը խուսափի կատարել որեւէ յայտարարութիւն:  Քաղաքական   մեկնաբաններ յայտնեցին, թէ  Մաքսային Միութեան միանալով, Հայաստան արգելափակած է  Եւրոպական Միութեան հետ  համաձայնագիր կնքելու կարելիութիւնները:  Շուէտի արտաքին գործոց նախարարը  180 աստիճանի շրջադարձ  նկատեց Մաքսային Միութիւն մտնելու  Հայաստանի որոշումը:

«Հայաստանի Եւրոպական Բարեկամներ» կազմակերպութեան ներկայացուցիչ Մայքլ Կամպէք դիտել տուաւ, որ երրորդ  երկիր մը կը  խանգարէ Հայաստանի եւ Եւրոպական Միութեան միջեւ  համագործակցութիւնը:

LEAVE A REPLY

Please enter your comment!
Please enter your name here