ՄԻՔԱԹԻ ԱՅՑԵԼԵՑ ՏԻՄԱՆ ԵՒ ՄԱՍՆԱԿՑԵՑԱՒ ՄԱՐՈՆԻ ԿՂԵՐԻ ՆԻՍՏԻՆ

0
116

Հրաժարեալ վարչապետ Նեժիպ Միքաթի  երէկ կէսօրին այցելեց Տիման եւ  մասնակցեցաւ  մարոնի  եպիսկոպոսներու ամսական ժողովին: Միքաթիի  գլխաւորած պատուիրականութեան կ’ընկերանային նախարարներ  Հասան Տիապ,  Ուալիտ Տաուաք,  Ահմէտ Քարամէ եւ այլ անձնաւորութիւններ: Նախքան նիստը, Միքաթի կարճ խորհրդակցութիւն մը ունեցաւ մարոնիներու Պշարա Ռայի  գարտինալին հետ: Սոյն խորհրդկցութեան նաեւ մասնակցեցաւ Լիբանանի մօտ Պապական նուիրակ  Կապրիէլ  Քաչիան:  Միքաթի  երկխօսութեան կոչ ուղղեց Տիմանէն,  նշելով որ  տարակարծութիւնները լուծելու  լաւագոյն  ընտրանքը երկխօսութիւնն է:

Մարոնի կղերը իր  նիստին աւարտին լոյս ընծայած   հաղորդագրութեան մէջ Սուրիոյ հակամարտութիւնը խաղաղ եղանակնեով լուծելու կոչ մը  ուղղեց:

LEAVE A REPLY

Please enter your comment!
Please enter your name here