ՍԱՐԳՍԵԱՆ – ՓՈՒԹԻՆ ՀԱՆԴԻՊՈՒՄ ՄՈՍԿՈՒԱՅԻ ՄԷՋ – ԵՐԵՒԱՆ ԿԸ ՆԱԽԸՆՏՐԷ ԵՒՐԱՍԻԱԿԱՆ ՏՆՏԵՍԱԿԱՆ ՀԱՄԱԳՈՐԾԱԿՑՈՒԹԻՒՆԸ

0
117

Հայաստանի նախագահ Սերժ Սարգսեան  երէկ առաւօտեան մեկնեցաւ  Մոսկուա եւ  հանդիպում մը ունեցաւ Ռուսիոյ իր  պաշտօնակիցին Վլատիմիր Փութինի հետ:  Հայաստանի  նախագահի պաշտօնական կայքէջին փոխանցմամբ, բանակցութիւնները  կեդրոնացած են  ԱՊՀ տարածքին առաւել  համագործակցութեան,  Հարաւային Կովկասի անվտանգութեան եւ կայունութեան ապահովման  վերաբերող հարցերու վրայ:  Քննարկուած է  նաեւ Նոյեմբերին, Վիլնիուսի մէջ   կնքուելիք, Եւրոպական  Միութեան եւ  Հայաստանի միջեւ համագործակցութեան  պայմանագիրը  եւ անոր հետ կապուած ազատ առեւտուրի համաձայնագրին  նախաստորագրման հարցը:  Ռուսիա նախկին Խորհրդային Միութեան անդամ   երկիրները կը համոզէ  անդամակցելու  Եւրասիական տնտեսական համագործակցութեան ծիրին մէջ՝  Ռուսիա,  Ղազախստան եւ Պելառուս   Մաքսային  Միութեան:  Միացեալ  մամլոյ ասուլիսի  մը մէջ, Հայաստանի նախագահ Սերժ Սարգսեան յայտարարեց, թէ  կը նախընտրէ  Ռուսիոյ հետ գործակցիլ՝  Եւրասիական տնտեսական համագործակցութեան  ծիրին մէջ: Հայաստանի նախագահին  սոյն յայտարարութիւնը անակնկալի մատնեց եւրոպական  շրջանակներ:

Եւրոպական  Միութիւնը կը մերժէ որեւէ պետութեան անդամակցութիւնը միաժամանակ եւ’ ազատ առեւտուրի համաձայնագիրին եւ’ Մաքսային Միութեան:

Նշենք, թէ   նախագահ Սարգսեանի  այցելութեան նախօրէին, Հայաստանի ազգային անվտանգութեան խորհուրդի քարտուղար Արթուր Բաղդասարեանը  նոյնպէս  մեկնեցաւ Մոսկուա:

 

LEAVE A REPLY

Please enter your comment!
Please enter your name here