ՍՈՒՐԻՈՅ ՃԱԿԱՏԱԳԻՐԸ «ՓՈՔԵՐ» ԽԱՂԱԼՈՎ ԱԼ ԿԱՐԵԼԻ Է ՎՃՌԵԼ…(ԹԱՐՄԱՑՈՒԱԾ)

0
120

Աշխարհ  երկունքով կը հետեւի  Սուրիոյ մէջ պատերազմը եւ արիւնահեղութիւնը կասեցնելու ճիգերուն,  Միացեալ Նահանգներու հանրապետական  ծերակուտական ճոն Մաքքէյն կը սորվեցնէ, թէ  «փոքեր» խաղալով ալ կարելի է  լուծել   միլիոնաւոր  մարդոց  ճակատագիրը: Արդարեւ,  Ծերակոյտի արտաքին յարաբերութիւններու յանձնաժողովին քննարկումներուն մասնակից  ծերակուտական Ճոն Մաքքէյն, քննարկումներու ընթացքին իր սեփական iPhone-ով, «փոքեր» կը խաղար…: Հաւանաբար… Սուրիոյ  ճակատագիրը կը վճռէր բախտախաղի  սեղանին վրայ: Այս  տեղեկատուութեան աղբիւրը  «Ուաշինկթըն Փոսթ»ն է:

Նշենք,  թէ  Ծերակոյտի  արտաքին յարաբերութիւններու  յանձնաժողովը  բանաձեւ մը  մշակեց, որուն մէջ կ’առաջարկէ  վաթսուն օրերու մէջ սահմանափակել Սուրիոյ  դէմ կատարուելիք  ռազմական  գործողութիւնները՝ մէկ ամիս  երկարաձգելու կարելիութեամբ: Ամենայնդէպս, ինչ որ ալ  ըլլայ Ծերակոյտին որոշումը,  Ներկայացուցիչմեըրու Տունը  Երկուշաբթի,  9 Սեպտեմբերէն  պիտի  քնանրկէ  նախագահ Օպամայի  առաջարկը:

Ռուսիոյ նախագահ Վլատիմիր Փութին յայտարարեց, թէ   միայն  ծանրակշիռ ապացոյցները կրնան Ռուսիան համոզել Սուրիոյ մէջ քիմիական զէնքի կիրառութեան հարցով:  Փութին  յայտնեց, թէ  հեռատեսիլէն  ցուցադրուող  տուժած անչափահասները չեն համապատասխաներ Սուրիոյ մէջ  քիմիական  զէնքի կիրառման  փաստին վերաբերեալ հարցումին եւ այն հարցումին, թէ   ո՞վ օգտագործած է զայն: Փութին  շեշտեց, որ  ընդդիմութինը նախապէս  մտածուած սադրիչ  քայլի մը դիմած է՝ իր  հովանաւորոներուն զինեալ միջամտութիւնը ապահովելու նպատակով:

Սուրիոյ  խորհրդարանը Ֆրանսայի  խորհրդարանին նամակ մը յղեց, որուն մէջ կը  թելադրէ  դէմ  քուէարկել  Սուրիոյ վրայ յարձակելու առաջարկին:

Սուրիական «Ալ Ուաթան» օրաթերթը կը գրէ, թէ պատերազմին հետեւանքով աւերուած բնակարաններուն  թիւը կը  գնահատուի  1.5  միլիոն, իսկ  երկրին ենթակառոյցը  վերակառուցելու  համար անհրաժեշտ է  73 միլիառ տոլար գումար:

 

LEAVE A REPLY

Please enter your comment!
Please enter your name here