ԵՒՐՈՊԱԿԱՆ ՄԻՈՒԹԵԱՆ ՊԱՏԱՍԽԱՆԸ ՀԱՅԱՍՏԱՆԻՆ՝ ՄԱՔՍԱՅԻՆ ՄԻՈՒԹԵԱՆ ՄԱՍ ԿԱԶՄԵԼՈՒ ԱՌԻԹՈՎ

0
134

 Մաքսային Միութեան  միանալու Հայաստանի նախագահ Սերժ Սարգսեանի  որոշումին առիթով, Եւրոպական   Յանձնաժողովը   հրապարակեց  հաղորդագրութիւն մը:  Հաղորդագրութեան մէջ կը նշուի,թէ  Հայաստան եւ  Եւրոպական Միութիւնը  երեքուկէս տարի բանակցութիւններ վարելէ ետք,  Յուլիս ամսուան ընթացքին աւարտին հասցուցած են  Համագործակցութեան  համաձայնագրին բոլոր կէտերը:  Այդ  համաձայնագիրը Հայաստանին պիտի արտօնէր  Եւրոպական Միութեան աջակցութեամբ յառաջ մղել արդիականացման եւ  բարեփոխութիւններու ծրագիրները՝ հիմնուած  ընդհանուր արժէքներու քաղաքական  եւ  տնտեսական համագործակցութեան   վրայ: « Մենք ի գիտութիւն կ’ունենանք Մաքսային Միութիւն  միանալու Հայաստանի ակնյայտ ցանկութիւնը:  Մենք կ’ակնկալենք հայկական կողմէն աւելի յստակ  հասկնալ, թէ  որոնք են Հայաստանի  մտադրութիւնները եւ  Հայաստան  ինչպէս  կը  ցանկանայ  ապահովել  համակցութիւնը այդ ցանկութեան եւ  Համագործակցութեան  համաձայնագրերով ստանձնած պարտաւորութիւններուն միջեւ:  Այս խորհրդակցութիւններու աւարտէն ետք մենք  պիտի ներկայացնենք ապագայ  զարգացումներու  վերաբերեալ մեր  եզրակացութիւնները». նշուած է հաղորդագրութեան մէջ:

LEAVE A REPLY

Please enter your comment!
Please enter your name here