ԼԻԲԱՆԱՆԵԱՆ ԿԱՐՃ ԼՈՒՐԵՐ

0
96

-Դրամատուներու միութեան նախագահ Ժըպրան Պասիլ յայտնեց, թէ  տնտեսական  խորհուրդներուն Չորեքշաբթի օրուան գործադուլը առաջին  քայլն էր նախազգուշացնելու  նահանջող տնտեսութեան եւ  լիբանանեան պետութիւնը փուլ գալու վտանգէն:  Պասիլ  ըսաւ, թէ  տնտեսական  խորհուրդները յառաջիկայի համար պիտի  առնեն մագլցողական  քայլեր:

-Ընդհանուր անվտանգութեան  ընդհանուր տնօրէն, հազարապետ Ապպաս Իպրահիմ  դիտել տուաւ, թէ երկիրը թեւակոխած  է  վտանգաւոր  հանգրուան մը:  Ապպաս  զգուշացուց ապահովական կառոյցներու պաշտօնները   «համայնքայնացնելու»  միտումներէն, ընդգծելով, որ  կառոյցները  ստեղծուած են  հայրենիքի անվտանգութիւնը, ապահովութիւնը եւ   անկախութիւնը  պաշտպանելու նպատակով:

– Լիբանանի մօտ Սէուտական Արաբիոյ  դեսպանԱլի Աուատ Օսէյրի  այցելեց Ռապիյէ եւ հանդիպում մը ունեցաւ   Փոփոխութիւն եւ Բարեկարգում խմբաւորումի պետ  Միշէլ Աունի հետ:Դեսպանը նաեւ այցելեց  Փաղանգաւոր  Կուսակցութեան պետ Ամին Ճեմայէլին: Վերջինս, հանդիպումէն ետք  դատապարտեց  Հըզպալլայի կողմէ սէուտցի դիւանագէտներու մէկ ինքնաշարժը  խուզարկելու արաքը:

– Մարոնիներու Պշարա Ռայի գարտինալը ցաւ յայտնեց, որ   Միջին Արեւելքի  մէջ տեղի ունեցող դէպքերը  Իսրայէլի եւ Արեւմուտքի կողմէ   գործադրուող ծրագիրներ են:  Ռայի  յայտնեց, թէ զէնքը  լուծում  չի  կրնար  բերել հակամարտութիւններուն: «Արեւմուտքը  համայն  Միջին Արեւելքը կը քանդէ յանուն  Իսրայէլի շահերուն ». իր այցելուներուն  առջեւ ըսաւ  գարտինալ Ռայի:  Ռայի ընդունեց  Աքարէն եւ Թրիփոլիէն  պատուիրակութիւններ, ինչպէս նաեւ հրաժարեալ  պաշտպանութեան նախարար Ֆայէզ Ղըսնը:

– Զինուորական ատեանը տասը տարուան  բանտարկութեան վճիռ արձակեց  Իսրայէլի հաշւոյն լրտեսութիւն կատարող երկու   լիբանանցիներու դէմ:

LEAVE A REPLY

Please enter your comment!
Please enter your name here