ՀՌՈՄԻ ՊԱՊԷՆ ՆԱՄԱԿ ՓՈՒԹԻՆԻՆ՝ ՍՈՒՐԻՈՅ ՄԷՋ ԶԻՆՈՒՈՐԱԿԱՆ ԼՈՒԾՈՒՄԸ ԱՊԱՐԴԻՒՆ ՊԻՏԻ ԸԼԼԱՅ

0
100

Ռուսիոյ նախագահ  Վլատիմիր Փութին նամակ մը ստացաւ  Հռոմի Ֆրանսիսկոս Ս. Պապէն:  Նամակին մէջ  Քահնայապետը  կը թելադրէ   քաղաքական լուծում մը գտնել Սուրիոյ հակամարտութեան, շեշտելով որ  զինուորական  լուծումի  ընտրանքը պիտի  դառնայ ապարդիւն:

Իր կարգին,  Եւրոպական Միութիւնը դիտել տուաւ, թէ անհրաժեշտ է կեդրոնանալ  Սուրիոյ հակամարտութեան  քաղաքական   կարգաւորման:  Սոյն  յայտարարութիւնը կատարեց  Եւրոպական  Յանձնաժողովի   նախագահ  Ժոզէ Պարոզօն՝  Սան Փեթերսպուրկի մէջ  «Ճի-20»ի խորհրդաժողովին ընթացքին, լրագրողներու հետ ունեցած կարճ  զրոյցի մը  ընթացքին: «Եւրոպական Միութիւնը վստահ է, որ  ջանքեր պիտի գործադրուին  քաղաքական լուծում մը կարգաւորելու նպատակով» մաղթեց Պարօզօ:

ՄԱԿ-ի ընդհանուր  քարտուղար Պան Քի Մուն   յայտարարեց, թէ  Սան Փեթերսպուրկի մէջ կայացող «Ճի-20»  խորհրդաժողովը պարտաւոր է քննարկելու Սուրիոյ հակամարտութիւնը:  Քի Մուն  ըսաւ, թէ  հակամարտութիւնը այնպիսի հանգրուանի մը հասած է, ուր  ՄԱԿ-ը եւ այլ հեղինակաւոր կառոյցներ պէտք է քննարկեն Սուրիոյ  իրավիճակը եւ  քաղաքական  լուծում մը փնտռեն անոր:  Միացեալ Նահանգներու  պետական քարտուղար  Ճոն Քերրի  յայտարարեց, թէ  Ուաշինկթըն  պէտք չէ  վախնայ  Սուրիոյ  դէմ  ծրագրուող   ռազմական գործողութիւններուն վերաբերեալ Ռուսիոյ  սպառնալիքներէն:  « Ռուս նախարար Լաւրովը յստակ յայտարարեց, թէ    Ռուսիա մտադրութիւն  չունի   ճակատումի մէջ մտնելու Սուրիոյ համար:  Նախագահ  Փութին  ինծի հետ  ունեցած հանդիպումներուն ընթացքին հասկցուցած է, թէ  հարց պիտի  չստեղծէ Սուրիոյ  պատճառով». ըսաւ Քերրի:

 Սի.Էն.Էն հաղորդեց, թէ  Միացեալ Նահանգներու Ներկայացուցիչներու Տան նախագահ Ճոն  Պոյնըր  մերժած է  Սուրիոյ հարցով Ռուսիոյ խորհրդարանական պատուիրակութեան մը հետ հանդիպելու,  Ուաշինկթընի մօտ Մոսկուայի դեսպանատան առաջարկը: Միացեալ  Նահանգներու  Կաթողիկէ  եկեղեցւոյ կղերը   դատապարտեց  Սուրիոյ դէմ   ռազմական  գործողութիւններու ընտրանքը եւ  քաղաքական  լուծում պահանջեց  ծագած  հակամարտութեան:

Սպիտակ Տունը հաղորդեց, թէ  նախագահ Պարաք Օպամա,  «Ճի-20» խորհրդաժողովէն վերադառնալէ ետք, հրապարակային ուղերձ մը պիտի յղէ ամերիկացի  ժողովուրդին: Չինաստան անգամ մը եւս զգուշացուց Ուաշինկթընը, թէ  Սուրիոյ վրայ յարձակումը   ժխտական անդրադարձ պիտի ունենայ    համաշխարհային տնտեսութեան վրայ:

Իրանի  հոգեւոր առաջնորդ Ալի Խամենէի   ըսաւ, թէ  քիմիական  զէնք կիրառելու ամբաստանութիւնները Սուրիոյ վրայ  յարձակելու պատրուակ  են:

Սուրիոյ առեւտուրի եւ  ճարտարարուեստի  գրասենեակը պաշտօնական  հայց ներկայացուց Թուրքիոյ վարչապետ Ռեճէպ Թայիփ Էրտողանի դէմ՝  Հալէպ  քաղաքի   ճարտարարուեստական հաստատութիւնները   յափշտակելու եւ  Թուրքիա փոխադրելու  յանցանքով:

Ապահովական գետնի  վրայ  ականուած ինքնաշարժի մը պատահեցաւ Դամասկոսի Սումարիա  շրջանին մէջ:

LEAVE A REPLY

Please enter your comment!
Please enter your name here