ԼԻԲԱՆԱՆԵԱՆ ԿԱՐՃ ԼՈՒՐԵՐ

0
109

–         Ընկերային  հարցերու հրաժարեալ նախարար Ուայէլ Ապու Ֆաուր յայտնեց, թէ  երկիրը  լուրջ տագնապի մը  դէմ յանդիման պիտի գտնուի, եթէ ձախողի լուծում  գտնելու,  սուրիացի գաղթականներուն  հետեւանքով ստեղծուած ընկերային եւ կենցաղային  դժուարութիւններուն:

–         Ներքին գործոց նախարարի  պաշտօնակատար  Մարուան Շարպէլ յայտնեց, թէ այժմու պայմաններուն տակ, Լիբանան  խիստ անհրաժեշտութիւնը ունի ներքին ապահովութեան ծառայողներու:  Շարպէլ նշեց, թէ  մարտահրաւէրները  ծանր  են, իսկ  երկրին  կարողութիւնները՝ սահմանափակ: Նախարարը  ըսաւ, թէ  չորս միլիոն բնակչութիւն հաշուող Լիբանանը անհրաժեշտ է, որ ունենայ  28 հազար ոստիկան:

–         Ընկերվար Յառաջդիմական Կուսակցութեան պետ Ուալիտ Ճոմպլաթ յայտարարեց, թէ  ամերիկեան օդային  յարձակումները յաւելեալ անիշխանականութիւն պիտի ստեղծեն Սուրիոյ մէջ: Ան նաեւ կասկած յայտնեց, եթէ ամերիկեան «Թոմահոք» հրթիռները պիտի յաջողին իրականացնելու  Միացեալ Նահանգներու թիրախները:

–         Սուրիոյ վրայ ամերիկեան ենթադրեալ  յարձակումի մը հետեւանքով,  վառելանիւթի  տագնապի մասին  տարաձայնութիւնները կանխելու  մտահոգութեամբ, ուժանիւթի եւ  ջուրի նախարարութեան խորհրդական Սեզար Ապի Խալիլ  դիտել տուաւ, թէ վառելանիւթի տագնապ  գոյութիւն չունի   Լիբանանի մէջ, իսկ  պահեստները առնուազն երկու ամիս կը բաւարարեն համայն  Լիբանանին:

–         Սուրիոյ  վրայ  հաւանական յարձակումի մը սպառնալիքէն զգուշանալով,  «Միտըլ  Իսթ» օդանաւային ընկերութիւնը ժամանակաւորապէս   փոփոխութեան ենթարկած է  Սուրիոյ  օդային տարածութեան  ճանապարհով  իր բոլոր  թռիչքները:

LEAVE A REPLY

Please enter your comment!
Please enter your name here