ՃԻ-20 ԽՈՐՀՐԴԱԺՈՂՈՎԸ ՎԵՐԱԾՈՒԵՑԱՒ ՍՈՒՐԻՈՅ ՎՐԱՅ ՅԱՐՁԱԿՈՒՄԸ ԿԱՍԵՑՆԵԼՈՒ ԺԱՄԱՑՈՅՑԻ ԴԷՄ ՄՐՑԱՎԱԶՔԻ ՄԸ

0
98

Սան  Փեթերսպուրկի մէջ կայացող ճարտարարուեստով  հարուստ աշխարհի քսան  գերհզօր պետութիւններուն  հերթական խորհրդաժողովը վերացուեցաւ Սուրիոյ վրայ ամերիկեան յարձակումը  կասեցնելու  խառնափնթոր հաւաքի մը:

ՄԱԿ-ի ընդհանուր քարտուղար Պան Քի Մուն, ընդլայնուած հանդիպում մը   ունեցաւ խորհրդաժողովին մասնակից  պետութիւններու  նախագահներուն հետ:  Պան Քի Մուն  շեշտեց  Սուրիոյ հակամարտութիւնը քաղաքական  ճանապարհներով լուծելու անհրաժեշտութիւնը եւ պահանջեց  ամենակարճ միջոցին  կազմակերպել  «Ժընեւ  -2»  խորհրդաժողովը:  ՄԱԿ-ի ընդհանուր քարտուղարը   նշեց, թէ  Սուրիոյ մարդկային ճգնաժամը ամենազանգուածայինը դարձած  է մարդկային նորագոյն  պատմութեան մէջ: Պան Քի Մուն  յայտնեց, թէ  Սուրիոյ   մարդասիրական  օժանդակութիւն հայթայթելու  համար անհրաժեշտ է  4.4 միլիառ  տոլարի  գումար  մը: Ան նաեւ պահանջեց  զէնք չմատակարարել Սուրիոյ հակամարտութեան կողմերուն:

Աւելի ուշ,  Պան  Քի Մուն անջատ  հանդիպումներ ունեցաւ Թուորքիոյ վարչապետ  Ռեճէպ Թայիփ Էրտողանի,  Գերմանիոյ վարչապետ Անկելա Մերքէլի եւ  Ֆրանսայի  նախագահ ֆրանսուա Հոլանտի հետ, քննարկելով  Սուրիոյ իրավիճակը:  «Ճի- 20» խորհրդաժողովին  ծիրին մէջ, Ռուսիոյ  արտաքին գործոց նախարար  Սերկէյ Լաւրով հանդիպում մը ունեցաւ Ֆրանսայի իր պաշտօնակիցին Լորան Ֆապիւսին հետ:

Խորհրդաժողովին  ծիրին մէջ մնալով, Բրիտանիոյ վարչապետ Տէյվիտ Գամերոն եւ  նախագահ Վլատիմիր Փութին քննարկեցին Սուրիոյ իրավիճակը:

Արաբական Լիկայի եւ ՄԱԿ-ի պատուիրակ Լախտար Իպրահիմի, Ֆրանսայի արտաքին գործոց նախարար Լորան Ֆապիւսի հետ  քննարկեց  «Ժընեւ -2» խորհրդաժողովը կազմակերպելու ընթացքը:

Բրիտանական «Տէյլի Մէյլ»  օրաթերթը կը գրէ, թէ Ռուսիա եւ Միացեալ  Նահանգներ  գաղտնի բանակցութիւններ կը վարեն  Սան Փեթերսպուրկի մէջ, Սուրիոյ վերաբերեալ:

LEAVE A REPLY

Please enter your comment!
Please enter your name here