ՊԱՇՏՊԱՆՈՒԹԵԱՆ ԳԵՐԱԳՈՅՆ ԽՈՐՀՈՒՐԴԸ ՅԱՒԵԼԵԱԼ ԶՕՐԱԿՑՈՒԹԻՒՆ ԽՈՍՏԱՑԱՒ ԲԱՆԱԿԻՆ

0
136

Պաշտպանութեան գերագոյն  խորհրուրդը  երէկ առաւօտեան  նիստ մը գումարեց Պաապտայի պալատին մէջ,  հանրապետութեան նախագահ Միշէլ Սըլէյմանի   գլխաւորութեամբ: Նախքան նիստը, նախագահ Սըլէյման  կարճ խորհրդակցութիւն մը ունեցաւ   հրաժարեալ  վարչապետ  Նեժիպ Միքաթիի հետ: Նախագահը նախ քննարկեց  կառավարութեան թղթածրարը, նշելով  թէ  անհնար պիտի ըլլայ  հրաժարեալ կառավարութեամբ  դիմագրաւել Սուրիոյ վրայ  նախատեսուող  յարձակումին հետեւանքները: Այս   մտահոգութենէն  մղուած, Սըլէյման կը նախընտրէ  «Երեք Ութ»երու տարազով կառավութեան մը կազմութիւնը, առանց որեւէ հատուածի  շնորհելու նիստերը սառեցնելու կարելիութիւն:

Պաշտպանութեան  գերագոյն խորհուրդի նիստին ընթացին, նախագահ Միշէլ Սըլէյման   դատապարտեց Սուրիոյ հակամարտութեան արտաքին բոլոր միջամտութիւնները, ինչպէս նաեւ՝ քիմիական զէնք կիրառելու յանցագործութիւնը: Սըլէյման պահանջեց, որ ՄԱԿ-ը լուրջ հետաքննութիւններ վարէ այս ուղղութեամբ եւ  յստակօրէն բացայայտէ յանցագործ կողմին  հասցէն:  Պաշտպանութեան  գերագոյն խորհուրդի  նիստի աւարտին, լոյս ընծայուած  հաղորդագրութեան մէջ   նշուեցաւ, որ պետութիւնը  իր բոլոր կարելիութիւններով  նեցուկ պիտի   կենայ բանակին եւ բաց  պիտի  պահէ  իր  նիստերը:

 Հանրապեութեան նախագահը  Պաապտայի  պալատին մէջ ընդունեց Լիբանանի  մօտ Քաթարի դեսպանը: Սըլյէյման նաեւ  ընդունեց Լիբանանի մօտ  Հոլանտայի եւ Միացեալ Նահանգներու նորանշանակ դեսպաններուն հաւատարմագրերը:

LEAVE A REPLY

Please enter your comment!
Please enter your name here