ՕՊԱՄԱ ՉԿՐՑԱՒ ՀԱՄՈԶԵԼ «ՃԻ-20»ԻՆ ՄԱՍՆԱԿԻՑՆԵՐԸ

0
101

 Նախագահ Պարաք   Օպամա, մասամբ ընդունելով Սուրիոյ  վրայ   յարձակելու որոշումին հետեւանքով  իր  մեկուսացումը, խորհդաժողովը աւարտելէ ետք սարքած  մամլոյ ասուլիսին  ընթացքին յայտարարեց, թէ  յառաջիկայ   Երեքշաբթի, ամերիկացի  ժողովուրդին պիտի բացատրէ իր տեսակէտը.«  Նախագահ Պաշշար Ասատին վարչակարգին կողմէ քիմիական զէնքի գործածութիւնը համաշխարհային խաղաղութեան եւ անվտանգութեան դէմ սպառնալիք մըն  է». ըսաւ ան:

 Ռուսիոյ նախագահ  Վլատիմիր  Փութին իր եզրափակիչ  մամլոյ ասուլիսին ընթացքին  ըսաւ, թէ քիմիական զէնքի ամբաստանութիւնը ծայրայեղականներուն կողմէ կազմակերպուած սադրանք մըն է՝ արտաքին  միջամտութիւն ապահովելու նպատակով: Փութին  ըսաւ, թէ միայն Թուրքիա, Գանատա, Սէուտական Արաբիա եւ Ֆրանսա կը զինակցին  Միացեալ  Նահանգներու արշաւին, մինչ՝  Ռուսիա,  Չինաստան, Ինտոնեզիա,  Արժանթին,  Պրազիլ,  Հարաւ Ափրիկէ եւ Իտալիա,  ինչպէս նաեւ ՄԱԿ-ի ընդհանուր քարտուղարը, Հռոմի Պապը, Եւրոպական Միութիւնը բացայայտօրէն կը մերժեն  յարձակումը: Ան շեշտեց, թէ  Ռուսիա պիտի օժանդակէ Սուրիոյ՝ զինուորական  յարձակումի մը պարագային: Փութին նաեւ  յայտնեց, թէ  մէկ ժամ երկարութեամբ զրոյց մը ունեցած  նախագահ Օպամային   հետ, Սուրիոյ հարցով:

 

LEAVE A REPLY

Please enter your comment!
Please enter your name here