ԵԱՇԱՐ ՔԵՄԱԼ ՊԱՐԳԵՒԱՏՐՈՒԵՑԱՒ «ԳՐԻԳՈՐ ՆԱՐԵԿԱՑԻ» ՄԵՏԱԼՈՎ

0
116

Թուրքիա գործուղուած հայկական պատուիրակութիւն մը Հայաստանի Հանրապետութեան մշակոյթի նախարարութեան «Գրիգոր Նարեկացի» մետալը յանձնեց քիւրտ գրող Եաշար Քեմալին: Յանձնումը կատարուեցաւ հռչակաւոր  գրողին  տան մէջ:
Պատուիրակութեան մաս կը կազմէին Հայաստանի Ազգային ժողովի պատգամաւոր Արագած Ախոյեանը, մշակոյթի նախարարութեան ժամանակակից արուեստի վարչութեան պետ Սէյրանուհի Գեղամեանը, Արեւմտահայերու ազգային խորհուրդի ներկայացուցիչ Վահան Մելիքեանը եւ ուրիշներ:
Սէյրանուհի Գեղամեանը «Գրիգոր Նարեկացի» մետալին հետ Եաշար Քեմալին յանձնեց  նաեւ 1975-ին հայերէնով լոյս տեսած անոր «Ինջէ Մեմեդ» վէպը: «Գրիգոր Նարեկացի» մետալով Հայաստանի մշակոյթի նախարարութիւնը Եաշար Քեմալը պարգեւատրած է Թուրքիոյ մէջ հայ մշակոյթի զարգացման ու պահպանման իմաստով ունեցած ներդրումին համար:
Եաշար Քեմալի ջանքերով է, որ Վանի Աղթամար կղզիի Սուրբ Խաչ եկեղեցին փրկուած է թրքական պետութեան կողմէ աւերումէն:
Յառաջիկայ շաբաթուան ընթացքին Թուրքիոյ գրախանութներուն մէջ պիտի վաճառուի Եաշար Քեմալի «Նորաթեւ Թռչունը» նոր վէպը:

 

LEAVE A REPLY

Please enter your comment!
Please enter your name here