ՆԱԼՊԱՆՏԵԱՆ ՀԱՆԴԻՊԵՑԱՒ ՖԻՒԼԷԻ ՀԵՏ ԵՒ ՔՆՆԱՐԿԵՑ ՄԱՔՍԱՅԻՆ ՄԻՈՒԹԵԱՆ ՄԻԱՆԱԼՈՒ ՊԱՏՃԱՌՆԵՐԸ

0
118

 

Աշխատանքային այցելութեամբ Պրիւքսէլ գտնուող Հայաստանի արտաքին գործոց նախարար Էտուարտ Նալպանտեան  հանդիպում  մը ունեցաւ Եւրոպական Միութեան դրացնութեան եւ ընդարձակման հարցերով յանձնակատար Շթեֆան Ֆիւլէի հետ։
Արտաքին գործոց նախարարութեան մամլոյ ծառայութենէն կը յայտնեն, թէ զրուցակիցները անդրադարձած են Մաքսային Միութեան անդամակցելու Հայաստանի որոշման: Այդ պարունակին մէջ նախարար Նալպանտեան վերահաստատած է Հայաստանի պատրաստակամութիւնը՝ յառաջ մղելու Եւրոպական Միութեան հետ կարելի եղածին չափ լայնածաւալ փոխգործակցութիւնը՝ շարժունակութեան, բարեփոխումներու խթանման, արդիւնաւէտ կառավարման, ժողովրդավարութեան, մարդու իրաւունքներու, բազմաոլորտ տնտեսական համագործակցութեան եւ այլ բնագաւառներու մէջ։ Ան ընդգծած է, որ «Հայաստանը ցանկանում է շարունակել հնարաւոր սերտ գործընկերութիւնը՝ որքանով որ ԵՄ-ի համար հնարաւոր կը լինի դա եւ որը չի հակասի Մաքսային Միութեանը Հայաստանի անդամակցութեանը»:
Հանդիպման ընթացքին քննարկուած են Վիլնիւսեան գագաթաժողովին ընդառաջ՝ 12-13 Սեպտեմբերին Երեւանի մէջ կայանալիք Արեւելեան գործընկերութեան անդամ երկիրներու արտաքին գործոց նախարարներու ոչ պաշտօնական հանդիպման նախապատրաստական աշխատանքները: Երեւանի մէջ  նաեւ պիտի կայանայ Արեւելեան գործընկերութեան անդամ երկիրներու կրթութեան նախարարներու ոչ պաշտօնական հանդիպումը:
Էտուարտ Նալպանդեանն ու Շթեֆան Ֆիւլէն համաձայնած են շարունակել շարունակական խորհրդատուութիւնները՝ Հայաստանի եւ Եւրոպական Միութեան միջեւ:

 

LEAVE A REPLY

Please enter your comment!
Please enter your name here