ՍԸԼԷՅՄԱՆ ԿԸ ՇԵՇՏԷ ԳԱՂԹԱԿԱՆԱՑ ՀԱՐՑԻՆ ՄԻՋԱԶԳԱՅԻՆ ՕԺԱՆԴԱԿՈՒԹԵԱՆ ՀՐԱՄԱՅԱԿԱՆԸ

0
123

Հանրապետութեան նախագահ Միշէլ Սըլէյման Նիսի մէջ  հանդիպում մը ունեցաւ  Ֆրանսայի իր պաշտօնակիցին Ֆրանսուա Հոլանտի  հետ: Երկու   նախագահները  պատրաստակամութիւն յայտնեցին ամրապնդելու   զոյգ պետութիւններուն միջեւ  անցեալէն  բխած   բարեկամութիւնը: Անոնք  քննարկեցին փոխյարաբերութիւնները  աւելի սերտացնելու կարելիութիւները,ինչպէս նաեւ  շրջանային հարցեր:  Նախագահ Սըլէյման հաւաստեց, որ Լիբանան պիտի շարունակէ շրջանային   հակամարտութիւններէն  հեռու մնալու  եւ  չէզոք դիրք որդեգրելու իր  քաղաքականութիւնը: Իր կարգին, Հոլանտ  փոխանցեց   միջազգային ընտանիքին  զօրակցութիւնը  Լիբանանի անկախութեան եւ  սահմանադրական  կառոյցներուն: Հոլանտ նաեւ մաղթեց, որ  արիւանւէտ ըլլայ  Նիւ Եորքի մէջ Լիբանանի  օժանդակութեան  համար 25  Սեպտեմբերին տեղի ունենալիք  խորհրդաժողովը: Նախագահ Սըլէյման    ընդգծեց, թէ   սուրիական  գաղթականներու թիւը  Լիբանանի մէջ   ծանր  ազդեցութիւն սկսած է ունենալ  երկրին տնտեսութեան վրայ: Սըլէյման շեշտեց  գաղթականներուն  օժանդակելու հրամայականը,  դիտել տալով որ Լիբանան անզօր է հոգալու  գաղթականներու կարիքներուն:

Նշենք, թէ  նախագահ Սըլէյման  Նիս ժամանած էր մասնակցելու ֆրանքոֆոնեան   7-րդ խաղերու բացման  արարողութեան: Սըլէյման  երէկ նաեւ  հանդիպեցաւ ֆրանքոֆոնեան երկիրներու կազմակերպութեան  ընդհանուր  քարտուղար Ապտօ Տիուֆի հետ:

Գալով նոր  կառավարութեան  կազմութեան  շուրջ տեղի ունեցող խորհրդակցութիւններուն, կազմութեան  թղթածրարը  դարձած է  նախապայմաններու գերին: Նորանշանակ վարչապետ  Թամամ Սալամ չի կրնար յաղթահարել  կողմերուն  ներկայացուցած պայմանները: Այս  ծիրին մէջ, հրաժարեալ վարչապետ  Նեժիպ Միքաթիի  հետ անոր   հանդիպումը ոչ մէկ նորութիւն  բերաւ կազմութեան  աշխատանքներուն: Քաղաքական   հոսանքները, Սուրիոյ վրայ ամերիկեան հաւանական յարձակումի մը սպառնալիքէն զգուշանալով հանդերձ, կառչած կը մնան իրենց պայմաններուն վրայ:

ԼԻԲԱՆԱՆԵԱՆ ԿԱՐՃ ԼՈՒՐԵՐ

-Լիբանանի մօտ ՄԱԿ-ի պաշտօնակատարի  օգնական Ռոպերթ Ուաթքինզ  դիտել  տուաւ, թէ Լիբանանի բնակչութեան  մէկ  չորրորդը  գաղթական է:  Ան  նշեց, թէ այսօրուան դրութեամբ Լիբանան  ընդունած է  մէկուկէս միլիոն սուրիացի  գաղթական: Այս թիւին  վրայ կ’աւելնան  քառորդ  միլիոն հաշուող պաղեստինցի գաղթականները:  ՄԱԿ-ի ներկայացուցիչը  զգուշացուց  Լիբանանի մէջ ընկերային  պայթումի  մը սպառնալիքէն:

– Լիբանանի մօտ  Միացեալ Նահանգներու  դեսպանատունը իր  պաշտօնեաներուն  թիւը  կրճատելէ ետք,  լիբանանեան կառավարութիւնը ապահովական միջոցառումներու դիմած է  դիւանագիտական  ծառայութիւններու կեդրոնավայրերուն  շուրջ:

LEAVE A REPLY

Please enter your comment!
Please enter your name here