ԴԱՄԱՍԿՈՍԻ ՀԱՅՈՑ ԹԵՄԻ ԱՌԱՋՆՈՐԴ ՏԷՐ ԱՐՄԱՇ ԵՊԻՍԿՈՊՈՍ ՆԱԼՊԱՆՏԵԱՆ ԿԸ ԽՕՍԻ ՍՈՒՐԻԱՀԱՅՈՒԹԵԱՆ ԻՐԱՎԻՃԱԿԻՆ ՄԱՍԻՆ

0
166

 Դամասկոսի մէջ իրավիճակը համեմատաբար հանդարտ է եւ խաղաղ: Այս մասին Armenpress-ին հետ զրոյցին նշած է Դամասկոսի Հայոց թեմի առաջնորդ Տէր Արմաշ եպիսկոպոս Նալպանտեանը: «Հիմա բոլորս կը սպասենք համաշխարհային քաղաքականութեան որոշման ու անոր հիման դրա սպասուող գործողութիւններուն: Կեանքը իր բնականոն հունով կ’ընթանայ, կրակոցներու ձայներ երբեմն լսելի են, բայց անոնք արդէն սովորական դարձած են»,- ըսաւ Տէր Արմաշ եպիսկոպոս Նալպանտեանը։

Անդրադառնալով Հալէպի մէջ տիրող իրավիճակին, հոգեւոր առաջնորդը ըսաւ նաեւ, որ մէկ շաբաթ է` լուր չունի այնտեղէն, որովհետեւ կապի որեւէ միջոց չի գործեր: «Տեղեակ եմ, որ սննդամթերքի, վառելանիւթի եւ այլ կենցաղային պարագաներու պակաս կայ: Բայց Սուրիոյ իշխանութիւնները խոստացած են վաղը դարձեալ ապահովել հեռահաղորդակցման գիծերու աշխատանքը»,- ըսաւ Տէր Արմաշ եպիսկոպոս Նալպանտեան:

Հարցին ի պատասխան, թէ ինչ քայլեր կը նախատեսուին Սուրիան սպառնացող վտանգի պարագային` Դամասկոսի թեմի առաջնորդը նշեց Սուրիահայութեան շտապ օգնութեան մարմնի գործունէութեան մասին, որ կը քննարկէ սուրիահայերու օգնութեան բոլոր տարբերակները: «Ինչպէս գիտէք` Սուրիոյ շարք մը խոշոր քաղաքներու մէջ, ինչպէս` Դամասկոսի եւ Հալէպի, կը գործէ Սուրիահայութեան շտապ օգնութեան մարմինը, որ ստացած է ՀՀ Նախագահ Սերժ Սարգսեանի եւ Ամենայն հայոց կաթողիկոս Գարեգին Բ-ի աջակցութիւնը: Մենք կը փորձենք սննդամթերքով եւ այլ կենցաղային պարագաներով օգնել Սուրիոյ մէջ ապրող մեր հայրենակիցներուն, իսկ բնակավայրերէն տարհանելու համար մեծ կազմակերպչական ուժ է հարկաւոր»,- նշեց  ան:

Ադրադառնալով ռուսական նաւերով հայերը Սուրիայէն հանելու միջոցին` Տէր Արմաշ եպիսկոպոս Նալպանտեան նշեց , որ անիկա տարհանման հնարաւորութիւններէն մէկն է, որ իրենք եւս քննարկած են: «Մենք, անշուշտ, մտածած ենք այդ մասին, բայց չենք սահմանափակուիր միայն մէկ հնարաւորութիւն քննարկելով, նկատի կ’առնենք բոլոր հնարաւոր տարբերակները: Նաեւ, պէտք է հաշուի առնենք ժողովուրդի ցանկութիւնը. անոնց մէկ մասը չի ցանկար հեռանալ իր տունէն: Այդ պարագային մենք կը փորձենք անոնց օգնել` կենսական պայմաններ ապահովելով”,- ըսաւ ան։

 

 

 

LEAVE A REPLY

Please enter your comment!
Please enter your name here