ՄԻՔԱԹԻ ԿԸ ՇԵՇՏԷ ՇՐՋԱՆԱՅԻՆ ԶԱՐԳԱՑՈՒՄՆԵՐԷՆ ՀԵՌՈՒ ՄՆԱԼՈՒ ԱՆՀՐԱԺԵՇՏՈՒԹԻՒՆԸ

0
106

Հրաժարեալ վարչապետ Նեժիպ Միքաթի վարչապետարանին  մէջ իր   այցելուներուն հետ քննարկեց   շրջանային զարգացումները եւ  Սուրիոյ  իրավիճակը:  Միքաթի ընդունեց Լիբանանի մօտ Ռուսիոյ դեսպան  Ալեքսանտր Զասփիքինը, փոխվարչապետ Սամիր Մուքպիլը եւ այլ անձնաւորութիւններ:  Միքաթի  իր  բոլոր հանդիպոմներուն ընթացքին  շեշտեց Լիբանանը շրջանային զարգացումներէն հեռու պահելու անհրաժեշտութիւնը:  Միքաթի գլխաւորեց  Թրիփոլիի  ապահովութեան յատկացուած նիստի մը, որուն  մասնակցեցան   պաշտպանութեան հրաժարեալ  նախարար Ֆայէզ Ղըսնը,  ներքին գործոց նախարարի պաշտօնակատար Մարուան Շարպէլը, հրաժարեալ  նախարարներ Մուհամմէտ Սաֆատին,  Ֆայսալ Քարամէն, Ահմէտ Քարամէն, երեսփոխաններ, ապահովական կառոյցներու  եւ բանակի   ներկայացուցիչներ:

Հանրապետութեան նախագահ Միշէլ Սըլէյման   քննադատեց Մաալուլայի գիւղի  սրբատեղիներուն  վրայ յարձակումները, ինչպէս նաեւ   շրջանի քրիստոնեաները  բռնագաղթի ենթարկելու փորձերը:  Նախագահ Սըլէյման Պէյթ Էլ Տինի  իր ամարանոցին մէջ ընդունեց   քիլտանի  համայնքի  Միշէլ Քասարճի  եպիսկոպոսը: :

LEAVE A REPLY

Please enter your comment!
Please enter your name here