ՄՈՆՏԻԱԼ 2014: ՀԱՅԱՍՏԱՆ – ԴԱՆԻԱ 0-1

0
130

Մոնտիալ 2014-ի զտման  մրցումներու գծով,  Եւրոպական գօտիի Բ. Խմբակին մէջ, Հայաստանի հաւաքականը  Երեւանի «Հրազդան» մարզադաշտին մէջ  ընդունեց  Դանիոյ հաւաքականը եւ կրեց, նուազագոյն՝ 1-0 արդիւնքով պարտութիւն մը :

Առաջին կիսախաղի ընթացքին,  պայքարին մեծամասնութիւնը  տեղի ունեցաւ  դաշտին կեդրոնը: Դանիացիները  ստեղծեցին կոլային  քանի մը սուր պահեր, ուր   Հայաստանի   հաւաքականի   բերդապահ Գասպարովը  դիպուկ միջամտութիւններով  փրկեց դրութիւնը:Առաջին կիսախաղը վերջ ցտաւ 0-0 հաւասարութեամբ:

Բ.  Կիսախաղի  20-րդ  վայրկեանին   Հայաստանի հաւաքականը ստեղծեց մրցումին ամենավտանգաւոր պահը,  երբ Դանիոյ պաշտպանները Հայաստանի ստացած  անկիւնային  հարուածը  հեռացնելու փոխարէն,  գնդակը   ուղղեցին դէպի  իրենց  բերդը: Սակայն  ձողափայտը հասաւ օգնութեան: Հանդիպման  74-րդ վայրկեանին  Հարոյեանի մէկ  կասկածելի  ֆաուլին հետեւանքով, իրաւարարը փենալթի հարուած  մը շնորհեց  Դանիոյ հաւաքականին  եւ կարմիր քարտով դաշտէն հեռացուց  Հարոյեանը:   Դանիոյ խմբապետ  Տանիէլ Ակէր  իւրացուց  փենալթին եւ նշանակեց մրցումին առաջին եւ միակ կոլը:

Հայաստանի  յարձակումներուն մէջ կը բացակայէր կողմնորոշումը: Հաւանաբար   Եուրա Մովսիսիեանի բացակայութիւնն էր   յարձակողական գիծին ցուցաբերած ոչ ներդաշնակ  խաղին  պատճառը: Ամենայնդէպս, Հայաստանի հաւաքականը  Մոնտիալ 2014-ի զտման մրցումներուն գծով  սեփական  յարկի տակ կրեց  չորրորդ  պարտութիւնը :

   (Նշենք,թէ երթի  հանդիպումը  Գոփենհակընի մէջ  վերջ գտած էր  Հայաստանի յաղթանակով՝   4-0:

LEAVE A REPLY

Please enter your comment!
Please enter your name here