ՆԱԼՊԱՆՏԵԱՆ ՄԱՍՆԱԿՑԵՑԱՒ ԱԶԳԱՅԻՆ ԺՈՂՈՎԻ ՆԻՍՏԻՆ ԵՒ ԼՈՒՍԱԲԱՆՈՒԹԻՒՆՆԵՐ ՏՈՒԱՒ ՄԱՔՍԱՅԻՆ ՄԻՈՒԹԵԱՆ ՄԻԱՆԱԼՈՒ ՎԵՐԱԲԵՐԵԱԼ

0
98

Հայաստանի արտաքին գործոց նախարար Էտուարտ Նալպանտեան մասնակցեցաւ Ազգային Ժողովի  նիստին եւ   ներկայացուց Եւրոպական Միութեան հետ համագործակցութեան եւ  Մաքսային Միութեան  մասնակցելու  վերաբերեալ  Հայաստանի պաշտօնական դիրքորոշումը.« Հայաստան բոլոր  կողմերով կը զարգացնէ յարաբերութիւնները  Եւրոպական Միութեան հետ՝  որքանով  կարելի  դառնայ Եւրոպական Միութեան կողմէ եւ  չհակասէ   Մաքսային Միութեան  միանալու Հայաստանի որոշումին»: ըսաւ Նալպանտեան:  Հակառակ   եւրոպացի  պաշտօնակատարներու պնդումներուն, նախարարը չբացառեց  Եւրոպական Միութեան հետ համագործակցութեան համաձայնագրի նախաստորագրութեան կարելիութիւնը:

Նալպանտեան ապա  փակ հանդիպում մը  ունեցաւ Ազգային Ժողովի   երեսփոխաններուն հետ , որուն  ընթացքին պատասխանեց  Մաքսային Միութեան միանալու  որոշումին մանրամասնութիւնները, ինչպէս նաեւ   երեսփոխաններու  հարցումներուն:

Հայաստանի նախագահ Սերժ Սարգսեան  վաղը այսօր պիտի ընդունի  Հայաստանի մօտ  հաւատարմագրուած Եւրոպական Միութեան անդամ պետութիւններու դեսպանները:  Հանդիպումը կազմակերպուած   նախագահին հրաւէրով: Նախագահ Սարգսեանի կողմէ Մաքսային Միութեան միանալու ցանկութիւն արտայայտելէ  ետք,  Եւրոպական Միութեան բազմաթիւ  կառոյցներ,  բարձրաստիճան պաշտօնակատարներ  բաւական խիստ  յայտարարութիւններ կատարեցին, գրեթէ փակելով  Հայաստանի առջեւ նախապէս լայն  փացած դուռերը:

Ռուսիոյ  վարչապետ Տիմիթրի Մետվետեւ յայտարարեց, թէ  Մաքսային Միութեան  միանալու Հայաստանի որոշումը  լրացուցիչ  կարելիութիւններ կը ստեղծէ  Հայաստանի առջեւ:

 

LEAVE A REPLY

Please enter your comment!
Please enter your name here