ՍԱՐԳՍԵԱՆ ՀԱՆԴԻՊԵՑԱՒ ԻՐ ՉԻՆ ՊԱՇՏՕՆԱԿԻՑԻՆ

0
125

Հայաստանի վարչապետ Տիգրան Սարգսեան, Փեքինի մէջ  հանդիպում մը ունեցաւ իր չին պաշտօնակիցին  Լի Կեցիանի հետ: Երկու  վարչապետները   քննարկեցին զոյգ երկիրներուն միջեւ տնտեսական, առեւտրական,  արհեստագիտական յարաբերութիւնները ամրապնդելու կարելիութիւնները:  Չինաստանի վարչապետը խոստացաւ լրացուցիչ 16 միլիոն տոլարի  դրամաշնորհ մը կատարել Հայաստանին:  Այս առիթով, Սարգսեան ցանկութիւն յայտնեց, որ Հայաստանին  դիտորդի կարգավիճակ  շնորհուի Շանհայի կազմակերպութեան մէջ:

Կողմերը նաեւ խօսեցան Լեռնային Ղարաբաղի  հակամարտութեան  մասին: Չին  վարչապետը խաղաղ եւ  բանակցութիւններու միջոցով   լուծում մը  մաղթեց Ղարաբաղի հակամարտութեան:

LEAVE A REPLY

Please enter your comment!
Please enter your name here