ՍԸԼԷՅՄԱՆ ԻՐ ԿՇԻՌԸ ԴՐԱԾ է ՆՈՐ ԿԱՌԱՎԱՐՈՒԹԵԱՆ ԿԱԶՄՈՒԹԵԱՆ ՎՐԱՅ

0
116

Հիմա, երբ  Սուրիոյ վրայ  յարձակումի  ամպերը կը թուին, թէ  հեռացած են Միջին Արեւելքի  հորիզոնէն, հանրապետութեան նախագահը եւ  նորանշանակ վարչապետը   վերադարձած են երկրին առօրեայ  մտահոգութիւններուն:  Այստեղ  առաջնայնութիւնը բնականաբար պիտի տրուի նոր  կառավարութեան կազմութեան, որովհետեւ երկիրը  վեցերորդ ամիսը ըլլալով կը  գործէ  առանց կառավարութեան: Նախագահ Միշէլ Սըլէյման կը յայտնէ, թէ  կազմութեան  օրակարգը  տակաւին  կը մնայ իր նախնական   հանգրուանին մէջ: Փաստօրէն անցնող  վեց ամիսներուն ոչինչ  կարելի եղած է  համոզել քաղաքական հիմնական  կողմերուն:  Պաապտայի պալատին   մօտիկ աղբիւրներ  կը յայտնեն, թէ  նախագահ Սըլէյման կը փափաքի Նիւ Եորք  կատարելիք   շրջագայութեան նախօրէին,  կազմած տեսնել նոր կառավարութիւնը: Այս ուղղութեամբ, կը նախատեսուի, որ  Սըլէյման  կարգ մը  կարեւոր  հանդիպումներ ունենայ  յառաջիկայ  24  ժամերուն:

Հանրապետութեան նախագահը Պէյթ Էլ Տինի մէջ  ընդունեց  լիբանանեան համալսարանի տեղեկատուութեան  բաժնէն շրջանաւարտներու պատուիրակութիւն մը, տոքթ. Ամէր  Մաշմուշիի  ընկերակցութեամբ: Ան,  համալսարանաւարտներուն   հարցումներուն  պատասխանելու   միջոցին յայտնեց, թէ   կշիռը պիտի դնէ նոր կառավարութեան կազմութեան վրայ:

Այլ  գետնի վրայ,  Սըլէյման  հեռաձայնային  հաղորդակցութիւն մը  ունեցաւ Ուալիտ Ճոմպլաթի հետ եւ ցաւակցութիւն յայտնեց  անոր,  մօր  մահուան առիթով:  

Հրաժարեալ վարչապետ  Նեժիպ Միքաթի ընդունեց Պէյրութի փաստաբաններու միութեան նախագահ Նիհէտ  Ճապրը:

LEAVE A REPLY

Please enter your comment!
Please enter your name here